REV - NUMAN 20

Ite ambuk ayi klɛtu

11 Ankyak mǝne yik mben yi sɔŋ itum klikla bǝn iwaŋ ndi akɔ sɔŋ aneyi. fe igɔŋmimi bǝn igbarshu inaŋdɔ ne ti maa bane na yik kɛ ba. 12 Fe mǝne na yik abaŋ ndi ne ku, angɔŋgɔŋ bǝn amuɔtsɔtsɔb, aklɛkli ne iti kɛ Iben yi itu mɔ. Ne bu amplɛ, fe ne na bu mplɛ inuŋ, ayi mplɛ kɛ abɛ atsitsir. Ne te abɛ ku ambuk ne ikiki yi na men, ndi ne cɛrǝ ne amplɛ me. 13 Ankyak inǝk ne nek abaŋ ndi ne ku ne miŋ maa. Iku bǝn igɔŋmimi ne na nek abɛ ku abaŋ ndi ayi bǝn abɛ ba. Fe bɔbɔk mǝne ne te ba ambuk ne iki yiŋ ndi ne nayi. 14 Ankyak ne tyak iku bǝn amkpa ne sɔŋ abɛ ku azhɔk ne ibubwar lu. (Ibubwar lu kǝŋe ayi iku kɛ iyah.) 15 Iwaŋ ndi ba tei yik isak maa ne cɛr kɛ ne mplɛ kɛ abe yi tsitsir ba atei tyagu azhɔk ne miŋ ibubwar lu kǝŋe.