Apocalipse 21

Ishu yayas ben Igbarshu yayas

1 Fe mǝne yik Igbarshu yayas ben gɔŋmimi yayas, te Igbarshu kɛ kuti ben gɔŋmimi kɛ kuti ne naŋadɔ, inǝk ne naŋadɔ. 2 Fe mǝne yik Ntun tsetser, Urshelima yayas, izi rɛ igbarshu ire ben Arik, ana aŋyak anenen, ndi iwa yayas ne duŋ te sɔŋ aŋub ilu maa. 3 Mǝne wɔ ikɔr ngɔŋ ilɛ irɛ mben yi sɔŋ yi itum idi: <<Azizaŋa ikɔb kɛ Arik iyi bǝn aneshir! Atei yi bǝn abɛba, aba atei nayi aneshir amaa. Arik wa ne tu maa atei na yi ben abɛba, atei yi Arik amene. 4 Atei yis amayi ne amen bɔbɔk. Iku batei na yime ba, ilɔ susun batei na yime ba kɔ izhin kɔ ilɔ. Ikiki yi ikukub ne naŋadɔ.>> 5 Ankyak Arik iwaŋ ndi akɔ sɔŋ ne mben yi itu mɔ adi, <<Neme Mǝne na ikiki bɔbɔk bɛ yi yayas!>> Ne na dim, <<Cɛr yiŋɛ, ililɛ ayi ilɛ didik bɛ na tanyɛme ne kǝ.>>