Bulus ne kɔrintiya
1 Ndi yiŋɛ ne gayir, Bulus ne duŋ Antina te kɔmɔ ne kɔrintiya. 2 Amɔ nɛ te yik awɔnǝ Yahudawa nuŋ ndi azhɔu te Akila, are Fontus. Iwaŋ ndi ne tashi are Italiya ben iwa maa Biriskila. Tǝ Kaludiya ane di bɔbɔk Yahudawa abɛ ru te duŋ Roma. Bulus ne gar yik ane Biriskila ben Akila, 3 fe ndi Bulus ndum maa ai kpaŋ abur, ne sɔŋ te na ndum bene abɛba te ana ndum zhiin. 4 kɔte bɛr Sɔŋ sik tayi a sɔŋ te gaaŋa ne tsar lɛ kɛ Arik ne amkpa ane Akabaŋkɔŋ. Tǝ wa abɛ baŋ tu kɛ abaŋ ndi ai Yahudawa ben Helɛnawa.
5 Ndi Sila ben Timoti ne nyɛ rɛ Makidɔniya, Bulus akɔ nek tu maa ngɔŋ ne du lɛ kɛ Arik, tedi Yahudawa te Yesɔ wa ayi Kristi me. 6 Fe ndi Yahudawa ne kyak lɛ kɛ Bulus te yenu, aklu mgbumgbuk anklu maa te diba, <<Azhizhi amin abɛ sɔŋ ne atu amin! Nga aŋɔk amuŋ neka ru ne atu amin. Baŋ rɛ azizaŋa M tei ngar ben abaŋ ndi ba yi Yahudawa ba.>>
7 Fe Bulus aduŋ akabaŋkɔŋ gar anɔŋkɔŋ akɛ yaa ne kɔb kɛ Titus Yustus ine zǝ Arik ndi kɔmaa yaŋ akabaŋkɔŋ. 8 Kirisbus, ngɔŋ ne akabaŋkɔŋ ŋɔ, ben aneshir abɛ kɔmaa bɔbɔk ne bu anu te tanyɛme ben Ngɔŋ; fe anuŋ tetɛk abɛ rɛ kɔrintiya ndi ne wɔ Bulus ne bu anu te tanyɛmɛ ben Ngɔŋ nena vu ba asuu ne sak kɛ Arik.
9 Iber nuŋ yime ne buu Ngɔŋ ne lɛ ben Bulus ne rimla: <<Duŋ klu sǝsǝk ba; nak du ilɛ mɛ, duŋ ku anu ba. 10 Tǝm yi bene bɔu, fe inuŋ batei wɔb bu ne mgbu te bɛ nau ikinuŋ ba, tem myi ne aneshir tetɛk ne ntun yiŋɛ.>> 11 Ankyak Bulus ne sɔŋ ne kɔrintiya ise zhiin ne hwa tani, a tsar ba ilɛ kɛ Arik.