1 Ndi iber tar ne te Festas ne yir amkpa ne ndum ma, ne lu te duŋ Kaseriya te kɔmɔ ne Urshelima, 2 fe abɛ na ndum Arik angɔŋgɔŋ ben Yahudawa akɔ Gli ambuk te kɔmɔ bene bɔu, te benu. 3 Abɛ na ba ki didik, abɛ shar te duŋ gliu te nyɛ Urshelima, ne ka kpa nyak tǝ bɛ ŋunu. 4 Akyak Festas mtanyeme te di, <<Bulus a klikli ku ne Kaseriya, Ngama ne yine susun kɛ gar amɔ ne miŋ kɛ bɛr yiŋɛ. 5 Ne na di, abɛ duŋ zhiin nuŋ ne min mǝne abɛ zǝ wa, ate yi ndi ner waŋa ne lalɛ, abɛ lɛk ambuk go.>>

6 Ne te iber tender ka bɛr wur ben abɛ ba, fe akɔmɔ ne Kaseriya ne, ne iber yi zǝ ne lɛ ben ane te ambuk go te abɛ Gli Bulus te gar ben wa. 7 Ndi ne nyɛ, Yahudawa abaŋ ndi ne rɛ Urshelima alu kli adidik te klɛku, te Gli ambuk tetɛk agli nyɛmɛ ne atu maa, ayiŋ ndi aba kiki men ba ne tanyɛme ne yi ba.

8 Akyak Bulus ne Gli lɛ maa nyɛmɛ tedi: <<Nga bam ne lalɛ kinuŋ ne atu yi ambuk ne Yahudawa ba kɔ akabaŋkɔŋ, kɔ ne atu yi kaisar ba, kɔ watsɔb.>>

9 Festas awɔb ta Yahudawa ma, tedi abɛ Gli ambuk go te nyɛm bǝn abɔu, adi Bulus tedi, <<Une tanyɛmɛ te ta bɛ kɔmɔ te te ambuk go ne Urshelima ne atu ayi kiki yuŋɔ bǝn abɛm yi?>>

10 Akyak Bulus adi: <<Me klikli ne min jaru ne te ambuk ayi kaisar, ne akpa waŋ ndi ne re te abɛ tem ambuk bam ne la ane Yahudawa ilɛ ba iwa ne tu mi une zhim. 11 Te ayi udi me ne lalɛ, te me ne na kiyiŋ ndi ne mla a bɛ ŋun me, bam tei nklu ku ba, ate yi ndi ba zhin yik ire te abɛ te ambuk amuŋ ne ankɔŋ adidik ba, ba waŋ ndi a te ŋun me te susun min bǝ sik, me wɔb te abɛ Gli ambuk go te kɔmɔ ne ti kɛ kaisar!>>

12 Ndi Festas ne sɔŋ ben abɛ na ndum ma, fe a tanyɛ te di: <<Une wɔb te bɛ Gli ambuk ne atu mi te kɔmɔ ne ti kɛ kaisar! Atei kɔmɔ ben kaisara!>>

13 Ndi iber watsɔb ne gayir Itum Agabus ben Barniki, ne nyɛ Kaseriya te ba abɛ nyɛ tek Festas. 14 Ndi ne te muɔ bɛr tetɛk amɔ, fe Festas ne bla Itum lɛ kɛ Bulus te di: <<Iner nuŋ ndi Filikus ne duŋu a klikli ku. 15 Waŋ ndi me ne yi ne Urshelima abɛ na ndum kɛ Arik angɔŋgɔŋ bǝn angɔŋgɔŋ abɛ Yahudawa ne gli ambuk te nyɛ bǝn abɛm te ben me te di me kpau.

16 Nga mǝne tanyɛ bama te di, ba yi ndum kɛ Romawa ba abɛ kpa nuŋ te bɛ duŋ susun kɛ nuŋ sik ba, ndi ba ne zi ba aŋyak ben iwaŋ ndi ne agli ambuk te nyɛ ne atu maa ba, te bɛ bla ki yiŋ ndi ne zhi te ta tu maa azhɔk. 17 Ndi ne nyɛ, ba me ne baŋ kpaŋ ba, mǝne zi sɔŋ ne mben yi te ambuk ndi bɛr ŋan mǝne di abɛ Gli neshire agli anyɛ me. 18 Ndi abɛ Gli ambuk ne nyɛmɛ nɛ lu kli bane bla kinuŋ mimin na tu maa ba ir keŋ ndi mǝne nyak susun ba. 19 Ne nak abla lǝlɛ nuŋ yiŋ ndi yi nkɔŋ kɛ zǝ Arik men, ben nuŋ waŋ adi ayi Yesɔ waŋ ndi ne ku, akyak Bulus adi ayime tsitsir. 20 Nga bam ne yik ankɔŋ ne zib iki me ba, fe me rib Bulus tedi ka utǝ tanyɛme te zin kɔmɔ ne Urshelima te abɛ kɔ te teu ambuk amɔ. 21 Akyak Bulus ne di abɛ duŋ ilɛmɛ baliŋ te Augustas abɛ tɔ kɛ ne liŋ, fe me ndi abɛ kama kɔte ku baliŋ te bɛ shar ben kaisar.>>

22 Fe Agaribas ne di Festas, <<Nga ma mǝne wɔb te me wɔ ner waŋa ne tu muŋ.>>

Festas adi, <<Utei yigu amblɛ.>>

23 Ndi bɛr ne ŋan fe Agaribas bǝn Barniki anyɛ te gar ate yir ibur bǝn angɔŋgɔŋ abɛ te kum bǝn a angɔŋgɔŋ abɛ ntun, fe agli Bulus te yir ne lɛ kɛ Festas. 24 Fe Festas adi, <<Itum Agaribas, ben aneshir ndi ayi ben abɛta, tɔ zhin neshire waŋ ndi aneshir abɛ Yahudawa ne Gli ambuk amaa are Urshelima, te zin ŋur ruru, te di ba rɛ te abɛ duŋu tsitsir ba. 25 Nga ba me ne yik kiyiŋ ndi ne mla abɛ ŋunu ba. Ndi iwa ne tu maa ne wɔb te abɛ Gli ambuk amaa te kɔmɔ ben Augustas, me ne tanyɛme me te gliu te gar ben abɔu. 26 Ama bam yi ne lɛ keŋ ndi me tei cɛr Arik amuŋ ne tu maa ba. Ayi duŋ mǝne gliu te nyɛ ti min, ne timi Itum Agaribas, ate zib ilɛmɛ ndi me tei cɛr. 27 Ne yik muŋ, ayi shum ki, bane rɛ a bɛ kpa neshir waŋ ndi ba ne lalɛ ba.>>