1 Ndi aneshir ne duŋ yatɔŋ, Bulus ne zhɔ abɛ zǝ Yesɔ te nek ba lɛ, te zǝk ba te vuŋ ankɔŋ te gar Makidɔniya 2 Ne zǝ inǝk ngɔŋ te lɛ lǝlɛ tetɛk yi duŋ susun aneshir azekur, te gar Hellas. 3 Ne sɔŋ amɔ ihwa tar. Yahudawa anuŋ ne te te ba bɛ kpa kinuŋ mimin aŋyak ne atu maa ndi ne te gar Suriya, te kama kɔmɔ ne Makidɔniya 4 Subataras Babiriye izu Iburus, ne kɔmɔ bǝn abɔu; neme Aristakus bǝn Sakundas, arɛ Tasalɔnika; Gayus, arɛ Badarbɛ; Tikikus bǝn Tɔrɔfimus, arɛ ŋa kǝ Asiya bǝn Timoti. 5 Aneshir abaŋa ne kuti te kɔte ŋub ta ne Taruwasa. 6 Akyak taba ne na lu ne Filibi te zǝ igu, ndi ne klɛ gyaŋ yi kili yi yaŋ maŋ, tane tsin bɛr tuŋ te yik ba ne Taruwasa. Ta ne sɔŋ amɔ bɛr Taŋgba.

7 Ne bɛr yi vuŋdum tayi biŋ sɔŋ te li kili. Bulus ne lɛ bene aneshir ndi iber te ŋan atei duŋ ba, ne ban mkpaŋ te lɛ gar atsutsu bu. 8 Lulu yi laŋ yime tetɛk ne iki kɛ shu ne amkpa waŋ ndi ta sɔŋɔ. 9 Ivenenzak nuŋ ndi azhou tǝ Atikus ne kɔ sɔŋ ne Taga, ina ne vuŋu ŋɔk ndi Bulus ne zen du ilɛ kɛ Arik, ne zhaku ne iki kɛ shu kɛ ntar te ku. 10 Bulus ne zi te zǝkur ne kpa kɛ Aftikɔs te rimu gli na aŋɔk maa. Te di, <<Kǝr asusun amin abɛ cokla ba, vǝvǝnne akur vli!>> 11 Fe akama yuŋ te gar iki kɛ shu te li kili. Te du ilɛ kɛ Arik gar ŋan bɛr te duŋ ba. 12 Aneshir ne baŋ vǝvǝnne te kɔmɔ ne kɔb ne vli maa te nyɛr ngɔŋ.

13 Tane yir Gu te kɔmɔ ne Asus, amɔ te gar te ta bɛ ban Bulus ne gu. Ama ne di iwa atei tsin ne za. 14 Ndi ne yik ta ne Asus, ta ne baŋu ne gu tɔ kɔmɔ ne Mitilini. 15 Ne bɛr yi yaa tane tsin ne gu te yir kiyos. Ne bɛr yi tar ta yir Samas, ne bɛr yi naku zi tane yir Milita. 16 Bulus ne te te wa abɛ gar Afisa ne gu te kǝr iwa abɛ klɛ mkpaŋ ne Asiya ba, tǝ wa anama andanda, te abɛ yir Urshelima ne bɛr yi igyaŋ yi bɛr sɔk tuŋ iyi biŋ kili yi rɛ ahwaŋ(Fentikɔs).

17 Nǝ Milita, Bulus ne shar bene angɔŋgɔŋ abɛ akabaŋkɔŋ ne Afisa. 18 Ndi ne yir, Bulus adi ba: <<Izhin ne zhi ndi mne mbaŋ mkpaŋ te sɔŋ ben abɛ zhin rɛ bɛr yiŋ ndi mne yi ne Asiya. 19 Mne na ndum kɛ Arik tena nzi tɔ zhɔk tena ru amayi ne kiyiŋ ndi mne yigǝ ben Yahudawa. 20 Izhin ne zhi te bam ne gbaŋ kpa ne bla kɔte nii ndi itei duŋ zhin te aneshir adidik ba mǝne na bla zhin ne min aneshir ben akɔkɔb. 21 Mne bla Yahudawa ben abaŋ ndi bane zhi lɛ kɛ Arik te tanyɛme ben Yesɔ ba.

22 Fe Bulus adi, <<Azizaŋ, Izhu ne dim gar Urshelima, bam ne zhi kiyiŋ ndi itei nam amɔ ba. 23 Ki yiŋ ndi mne zhi te kɔte ntun tayi Izhu Tsetser ne gbaŋ me atɔŋ tedi atei sak me iyah te zhɔk me ne jaru fe iyah na klɛ ŋub me. 24 Ne me, bam ne ban kpamuŋ iyi kinuŋ bene bɛm ba, kiyiŋ ndi yi ne susun muŋ te na kiyiŋ ndi iyi ne ti muŋ tena klɛ ndum keŋ ndi Arik ne neme kɛ ndum kɛ bla neshir lɛ didik kɛ Arik.

25 <<Azizaŋ mne zhi te bɔbɔk min ndi mne bla zhin lɛ kɛ kɔb Arik ba zhin tei na yik me ba. 26 Ne me, me bla zhin aliŋ waŋ ndi bate yir kɔb Arik ba iyiu maa. 27 Bam ne suk kpa ne bla zhin lɛ kɛ Arik ba. 28 Izhin bǝ tɔ akpamin ben aneshir bɔbɔk abaŋ ndi Izhu Tsetser aye Arik ne duŋ ba yi ne angus amin. Izhin bɛ kyu aneshir bɛ Akabaŋkɔŋ ayi Arik, ndi ne lɛb ba na zhizhi a Yesɔ. 29 Me ne zhi M tei duŋ zhin, ane wuwu ma angɔŋgɔŋ atei yi ne miŋ min batei lɔr ben awanta ba. 30 Nǝ min kɛ aneshir anuŋ amin atei lu te bla kiyiŋ ndi bai didik ba te bɛ gbur anuŋ abɛ zǝ Yesɔ te bɛ kama zǝ ba. 31 Amɛ, izhin bǝ sɔŋ adidik! Shuzhi zhin te ase tar bam ne nduŋ vǝ nuŋ ne miŋ min ba iyaŋ buu ben aririk ne amayi.

32 Bulus adi ba, <<Azǝzaŋa mne biŋ zhin ben Arik ben ilɛ maa didik ta zhɔk, ndi tei duŋ zhin flu tena nek zhin kiyiŋ ndi atei nek abɛ yi tsetser. 33 Bam ne tik yi ne amak ayi nuŋ ben kluŋklu yi nuŋ ba. 34 Izhineba ne akpamin ne zhi ndi aŋɔk amuŋ ne nǝm li te so ben akpa abɛ tsǝn amuŋ. 35 Nǝ kiyiŋ ndi mne nai bɔbɔk, mne tsar zhin te ndi nena ndum ŋgɔŋ tǝ ta bǝ lɔk abaŋ ndi ba yi ne mgbyamgbyaŋ ba, zhin bɛ shuzhi lɛ keŋ ndi Yesɔ ne di: <Ita anu adidik iyi ŋgɔŋ ne tu yi Waŋ ndi anǝk ki maa inaŋ ne ta kime>>>

36 Ndi Bulus ne bla lǝlɛ yiŋɛ bɔbɔk, ne tar agbarum bǝn angɔŋgɔŋ abɛ zǝ Yesɔ ne Afisa te ben Arik. 37 Bɔbɔk mǝne ne zhin te rim Bulus agli te ku asa bǝne bou. 38 Kiyiŋ ndi ne lɛn ba susun ngɔŋ ayi lɛ keŋ ndi Bulus ne di ba tei na yik wa ba. Fe ne zɛku te gar yir Gu.