Atos 22

1 <<Amunzumɔr ben atsintsim amɔr, wɔ zhin lɛ muŋ.>>

2 Ndi ne wɔ Bulus alɛ ne ŋa ayi Yahudawa akɔ ku anu.

Fe Bulus adi: 3 <<Me yi awɔnǝ Yahudiya, ne ŋlim ne Tarsus, ntun yi Kilikiya, te mne ntǝ ŋgɔŋ ne ntun yiŋɛ. Mne te aki ayi tsar aye Gamaliya, ne tsar me lǝlɛ yi atsintsim amɔr. Mǝne nek tu te zǝ Arik ndi bɔbɔk mine zeu aliŋe. 4 Mne sak abɛ zǝ ankɔŋ awaŋa iyah, te ntsik anuŋ ŋlɔk, te mkpaŋ alulum ben amba te ntur ba shur ne jaru, 5 ngɔŋ ane abɛ na ndum kɛ Arik ben sɔŋ kɛ angɔŋgɔŋ ate tanyɛmɛ ne lɛ kɛ bla muŋ kǝŋe. Mne na nta mplɛ kɛ cɛr bǝn abɛba te ngar bǝn amunzumen ne Damaskɔ, te gar amɔ te kɔte gli aner abaŋ ndi ne kpa aŋɔk amene ndi abɛ jaru ne baŋ ba te nyɛ Urshelima te abɛ nek ba iyah.

6 <<Ne atsutsu arik ndi mne te gbahir ne Damaskɔ, ankyak ilu nuŋ kǝŋe laŋ ngɔŋ te rɛ shu te kum. 7 M zhaku ne mimi te wɔ kɔr idim, <Shaulu! Shaulu! Usak mǝ ya tǝ ni?>>

8 Mǝ rib te ndi, <<<Uyi ŋɔwai, Arik?>

<<<Me yi Yesɔ awɔnǝ Nazara ndi usagu iyah,> adi amɛ. 9 Abaŋ ndi ne zǝm atsǝn ne yik ilumɔ, bane awɔlɛ keŋ ndi nɛ lɛ ben bɛm ba.

10 M rib te ndi, <<<Ŋgɔŋ, me na anii?>

Ŋgɔŋ Arik adim, <<Lu sɔŋ te gar Damaskɔ. Amɔ wa atei blau ki yiŋ ndi utei na.> 11 Abɛ zǝm tsǝne ne vuŋ me agli ne ŋɔk te gar Damaskɔ, te lumɔ ne laŋ ŋgɔŋ te kum ayi.

12 Ner nuŋ ndi azhɔu te Ananiya ne nyɛ ben bɛm. Ayi ner ne zǝ lɛ kɛ Arik ngɔŋ waŋ ndi te vuŋ ane Yahudawa abaŋ ndi aye amɔ ayigu shak ayi. 13 Ne klɛ gbahir bene bɛm te di, <<Shaulu zumɔr, yik laŋ amkpa!> Fe ne amkpamkpama ayi amaa akɔ bu.

14 Ankyak a dim: <Arik ane atsintsim amɔr ne hriau te bɛ zhi susun maa tena yik waŋ ndi ayi tsetser tena wɔ nkan lǝlɛ nenu amaa. 15 Utei yi ne bla aneshir bɔbɔk kiyiŋ di une wɔi tena yigǝ. 16 Amɛ azizaŋa uŋub anii? Lu teduŋ a suu nǝ sak kɛ Arik te ŋla zumimin mi atyak ahrie te zhɔ sak kɛ Arik.>

17 Ndi Mǝne kam kɔmɔ ne Urshelima te zen ben Arik ne Akabaŋkɔŋ. Mǝne yik iri 18 Mǝne yik Arik alɛ ben bɛm te di, <Andanda, duŋ Urshelima azizaŋa, te aner abɛ yaŋa batei tanyɛme ne lɛ kɛŋ ndi utei bla kɛ na tu muŋ ba.>

19 Me ndi, <<<Arik, aneshir abaŋ ndi ne zhi tedi me zǝ Akabaŋkɔŋ te Mvu aneshir nku tena ntsik abaŋ ndi ne tau menyi. 20 Ndi ne tyak azhizhi ayi Istifanu ne bla lɛ mi ahrie. Mnǝ nkliŋkli ne amkpama, te ntanyɛme ne kiyiŋ di anai tena ŋub kluŋklu yi abaŋ ndi azǝn tyagu ŋun.>

21 Fe Arik adim, <<Tsǝn, me tei sharu gbagbaŋ bene abaŋ ndi bai zǝ Arik ba.>>>

22 Aneshir ne wɔ te Bulus ndi ne bla lɛ kǝŋe, fe alǝk akɔr te di, <<Be tsǝgu aŋun, ba rɛ te abɛ duŋu tsitsir ne gɔŋmimi ba.>>

23 Ndi ne zen ya tɔŋ tena vu kluŋklu te turo akpa te lɛk mgbumgbuk, 24 Ngɔŋ abɛ kpaakpa aduŋ avuŋ Bulus te gar amkpa ne su amen. Ne di bɛ tsǝgu tena bene rib bu te anii duŋ aneshir aya atɔŋ ne tu maa me. 25 Dine kpau te atei zeu azhɔk te tsǝgu, Bulus adi ngɔŋ ne kpaakpa ndi aklikla gbahir bene bau te di, <<Ire te abɛ tsik waŋ ndi ayi ŋli kɛ Roma ndi bane na ki mimin ka yi?>>

26 Ndi ngɔŋ ne kpaakpa ne wɔme a gar ben ngɔŋɔ amen te blau kiyiŋ ndi Bulus ne blai ma. Te rib bu, <<Utei na ner waŋa anii? Ner waŋa ayi ŋli kɛ Roma.>>

27 Ngɔŋ amene gar bene Bulus te rib bu te di, <<Blam, uyi ŋli kɛ Roma yi?

Bulus adi, <<Iyi amɛ, Mǝyi ŋli kɛ Roma.>>

28 Ŋɔk ne kpaakpa adi, <<mǝne ya azɔb tetɛk te duŋ ilɛmɛ yi ŋli kɛ Roma.>>

Bulus adi, <<Teyi nga ne ŋlim ne Roma.>>

29 Abaŋ ndi ne te rib bu lǝlɛ ne duŋ rib bu ma te kama tibɛ te duŋu. Ngɔŋ ane abɛ kpaa kpama ate sǝsǝk ne teu ndi ne zhi te wa duŋ akpa waŋ ndi ayi ŋli kɛ Roma.

Bulus ne angus akɛ angɔŋgɔŋ abɛ lɛ lǝlɛ

30 Ne bɛr yi ku zǝ ndi ngɔŋ ne abɛ kpaakpa ne wɔb te wa bɛ zhi kiyiŋ di aneshir bɛ zhabu ne awa nǝ ki ndi Bulus ne nai. Ne duŋ ngɔŋ ne bla lɛ kɛ Arik ben angɔŋgɔŋ bɛ lɛ lǝlɛ abiŋ. Fe agli Bulus te nyɛ te duŋɔ alu akli ne ti men.