1 Ankyak Bilatus aduŋ avuŋ Yesɔ te ashuru asisa ne kpa. 2 Abɛ kpaakpa ana itu anku kɛ yi ne ncɔŋ te suu ne kǝ ne tu. Te suu anklu akɛ yi ndindilim 3 te nyɛ ben abɔu iyaŋ mkpaŋ te di, <<Ivli mi bɛ baŋ mkpaŋ Itum ane Yahudawa! te tsugu ne laŋɔk>>

4 Amɛ Bilatus nena ru abɛm te di Yahudawa, <<Tɔ zhin, M tei gliu ru zhine te izhin bǝ zhi te bam ne vuŋu ne lalɛ nuŋ ba.>> 5 Ndi Yesɔ ne ru abɛm ne itu anku ikɛ ncɔŋ ndi ne kpa kǝ ne tu maa kɛ yi dindilim, Itum Bilatus adi ba, <<Tɔ zhin neshire waŋ!>>

6 Ndi ngɔŋ ine na ndum kǝ Arik bǝn abɛ blɛ Akabakɔŋ ayik Yesɔ, te aŋar akɔr te di, <<kpaŋ zhin ne wu! kpaŋ zhin ne wu!>>

Ama Bilatus adi ba, <<Izhin bǝ baŋu te kpaŋu. atei nga bam ne yigu ne lalɛ nuŋ ba, Bam yik iki yiŋ ndi ne nai ndi ne mla te abɛ ŋunu ba.>>

7 Angɔŋgɔŋ abɛ Yahudawa akyak tedi, <<Ta yine nkan lɛ ndi ne kpai anyak tedi ner waŋa abɛ ku, abaŋ tu maa te wa ayi Izu Arik.>>

8 Ndi Bilatus ne awɔ amɛ, sisik ne vuŋu ŋgɔŋ, 9 fe aŋur akam ate yir iki kɛ te ambuk te rib Yesɔ, <<Ure amɛ?>> ama Yesɔ bane bu anu asagu ma ba. 10 Bilatus adiu, <<Ukyak lɛ ben abɛm mai? Bau ne zhi tem yi ne mgbyamgbyaŋ kɛ zhɔ gu ben kɛ kpaŋu ne kuŋkun kɛ gen kai?>>

11 Yesɔ asaga, Bau yine mgbyamgbyaŋ ne tu muŋ ba atei ndi mba Arik wa ne nǝgu ne kǝ are shu ba. Fena, iwaŋ ndi ne vuŋ me asak ne aŋɔk ami ilalɛ maa iyi ngɔŋ.>>

12 Nak rɛ yiŋɛ Bilatus ne wɔb ankɔŋ ane zuk Yesɔ zhɔk, ama Yahudawa ma akyak te aya atɔŋ, <<Utǝ zuk ner waŋa zhɔk, bau nayi ikpa ayou Keisar ba. Iwaŋ ndi adi iwa ayi itum akama te zor ben Keisar.>>

13 Ndi Bilatus ne wɔ amɛ, agli Yesɔ arumɔ te azesɔŋ ne mben ne te ambuk ne amkpa awaŋ ndi azhɔu te alɛla mkpaŋ (ndi ne aŋa Yahudawa azhɔu te Gabbata). 14 Aneyi bɛr yi na iki li yi igyaŋ yi tuk glak, ne mkpaŋ kɛ tani.

<<Tɔ zhin Itum amin waŋ,>> Bilatus adi Yahudawa.

15 Ama ashur ahwa, <<Ŋun zhin newu! Ŋun zhin newu! Abɛ kpaŋu ne nkuŋkun!>>

<<Izhin di Mǝ mkpaŋ itum amine ne kuŋkune?>> Bilatus arib.

<<Ba ta yine itum nuŋ ba ayi Keisar ankyak,>> ngɔŋ ine na ndum kǝ Arik asaga.

16 Fe Bilatus abaŋ Yesɔ asak ba ne aŋɔk te bɛ kpaŋu ne kuŋkun kluklu kɛ gen.

Fe abɛ kpaakpa ma akɔ vuŋ Yesɔ. 17 Ne baŋ mkpɔk nkunkun kǝ gen ikɛ kpaŋu ma asagu nɛ mpa, te kɔmɔ ne amkpa ndi azhɔu te akpukpo tu (ndi ne aŋa Yahudawa azhɔu te Golgota). 18 Ayaŋa wa ne kpaŋu ne kuŋkuno, ndɔ ben aner anuŋ amɛ ayaa kɔte tawa ne gar nuŋ te Yesɔ wa ne atsutsu.

19 Bilatus ne nama cɛr ira nuŋ agli te kɔmɔ ne amkpa awaŋ ndi ne kpaŋ Yesɔ ne kuŋkun kluklu kɛ gene. Icɛre idi: YESO AWONƏ Nazara, ITUM ANƏ YAHUDAWA. 20 Yahudawa tetɛk ne bla cɛrǝ, te amkpa awaŋ ndi ne kpaŋ Yesɔ mɔ ayi gbahir ne miŋ ntun, fena ne cɛr nkan lɛmɛ ne aŋa ayi Yahudawa, Romawa ben Helɛnawa. 21 Fe ngɔŋ abɛ Yahudawa akɔte di Bilatus, <<Duŋ cɛr <Itum ane Yahudawa ba,> ama ubǝ cɛr tedi,<Iner waŋa adi, nga Myi Itum ane Yahudawa.>>>

22 Bilatus asaga, <<Iki yiŋ ndi Mne cɛrǝ, bam ntei na yis yi ba.>>

23 Ndi abɛ kpaakpa ma ne kpaŋ Yesɔ, ne vu kiki iyi su maa, agboŋa ntǝk me nas, kɔte ŋɔ ne miŋ mǝne ne Gli mplɛ zhiin, Tena abaŋ ŋa anklu kɛ kpa nyɛn kpa keŋ ndi iyi mplɛ zhiin.

24 Abɛ kpaa kpama adi akpa mɛn, <<Kǝr tabǝ gbu kiki yi suu maa ŋa ba, <<Tabǝ shur akeŋkam ka ayi ŋɔwa atei takɛ.>>

Iyiŋɛ nena te ilɛ kɛ Arik bǝ shaga ikeŋ ndi idi,

<<Ne gab kiki iyi su muŋ ne akpa mɛn tena shur akeŋkam ne mplɛ anklu akɛ kpa amuŋ.>>

Fena waŋa ayi kiyiŋ ndi abɛ kpaa kpama nenai.

25 Gbahir ne kuŋkun kluklu kɛ gen ndi ne kpaŋ Yesɔ iya maa aklɛkli amɔ, amunvamen ane yaa maa, Meryamu Madalin iwa Kilɔbas, ben Meryamu Magadala. 26 Ndi Yesɔ ne yik yaa maa amɔ, bǝn izhiin ne miŋ kɛ abɛ tsene maa waŋ ndi myeru ngɔŋ ayime amɔ maayi, Yesɔ adi yaa maa, Uwa,tɔ izumi waŋ,>> 27 tena adi ine zeu tsǝne, <<Tɔ iya mi waŋ.>> Ibaŋ rɛ mkpaŋ yuŋɔ, izhiin waŋa ne miŋ kɛ abɛ zeu agli iya maa te kɔmɔ ne kɔmaa.

28 Yesɔ ne zhi te azizaŋa kɔte nii neka shaga; te duŋ ilɛ kɛ Arik iyi zub, Yesɔ adi, <<Ihrie Tǝm.>> 29 Ambu anuŋ ayi ne amashir mwamwaŋ ane ama idɔ inabi akur ne miŋe, akɔ dib sɔsɔ ne miŋe, te suu ne mkpɔki lǝlɛ, te lɛk kɛ asuu nenu. 30 Ndi Yesɔ ne asɔ amashir mwamwaŋ, adi, <<Nǝ ka klɛ.>> Neme, azhɔk tu maa lur te baŋ vli maa.

31 Fena ayi bɛr yi gɔŋri, ndi iber te ŋen ayi bɛr iyi sɔŋ sik. Tǝ Yahudawa ba duŋ akum aner ndi ne kpaŋ ba abɛ akɔdɔ ne kuŋkun kluklu kɛ gene ba ne bɛr yi sɔŋ sik, Arib Bilatus te abɛ duŋ ai ka aza mǝne mlik te zi ba shur ne mimi te iber yi sɔŋ sige iyi tsetser. 32 Fe abɛ kpaakpa ne kɔte ka aza iner ne yi ne ti ndi ne kpaŋ ba ben Yesɔ amlik ben ine yaa maa. 33 Ama ndi ne nyɛ ben Yesɔ, ne nyɛ yigu neka baŋ tu ayaŋa, bane na ka aza amaa amlik ba. 34 Nǝ yiŋɛ, izhiin ne miŋ kɛ abɛ kpaa kpama abaŋ mashi atur Yesɔ ne gar sa, ne amkpama azhizhi ben amashir aru. 35 Iner waŋ ndi ne yik kime ne bla iki ndi iwa ne yigǝ, te iki ndi ne yige ayi izub. Ne zhi te iwa abla zub, ne abla amɛ teduŋ izhineba iminyi bǝ tanyɛmɛ. 36 Iki yiŋɛ nena amɛ tǝduŋ ilɛ kɛ Arik ibǝ shaga: <<Ba tei ka kuku zhiin amlik nemiŋ kɛ akuku amaa ba,>> 37 ne gar ilɛ kɛ Arik inuŋ idi, <<Aneshir atei yik iwaŋ ndi ne turu ne gar sa ma.>>

38 Ndi nena, Yusuu awɔnǝ Arimatiya ne ate ben Bilatus te bǝ nek wa ikum kɛ Yesɔ. Yusuu ayi ne zǝ Yesɔ raraŋ, ne klu te kǝr angɔŋgɔŋ ane Yahudawa abɛzhi ba. Nǝ ta nyɛmɛ Bilatus, ne te baŋ kumɔ aglɛ tibɛ. 39 Nikɔdimu ne zeu, ayi iwa ane zǝ Yesɔ agar ne buu. Nikɔdimu ne gli wurdi ine mgbɔ shushum bǝn kiki nuŋ iyi ru aner iye anyaŋ ayi mla azɔb sɔktamgba ane tuŋ. 40 Iya mǝne abaŋ ikum kɛ Yesɔ, te nyɛn kɛ, ne ŋa anklu aklikla. Ne muɔ ibɛ yayas nuŋ iyimɛ. Waŋa ai yiŋ ndi Yahudawa anama. 41 Ne amkpa awaŋ ndi ne akpaŋ Yesɔ mɔ, ave ahwaŋa anuŋ ayime, ne miŋ kɛ ave ahwaŋa ne ka ibɛ yayas, ikeŋ ndi bane zǝn zhɔk ine ku inuŋ ne miŋe ba. 42 Tǝ ayi iber iyi Yahudawa iyi ŋurka te amkpa ane ibɛ kǝ Yesɔ ba lak ba.