João 2

Yesɔ ne kam amashir ate ama Inebi me

1 Nǝ bɛr yi ntar nena igyaŋ yi kpa ŋa ne kana kǝ Galili. Iya maa Yesɔ ne yime ne amkpama, 2 Yesɔ bǝn abɛ tsene maa ne zhɔ ba ne igyaŋa. 3 Ndi ama Inebi me ne klɛ, iya maa Yesɔ adiu, <<Ama inebi ane igyaŋa neka klɛ>>

4 Yesɔ adiu, iyah, <<Bau tei blam iki yiŋ ndi M tei na ba, mkpaŋ muŋ bane zen te ba.>>

5 Iya maa Yesɔ adi abɛ na ndum amaa, <<Na zhin iki yiŋ ndi ate bla zhin.>>

6 Yahudawa ayi ne iki yiŋ ndi anai ne ŋla aŋɔk, neme Ancomɔ amɛ tani aklikla ne amkpama, ndi kɔte ancomɔ atawa atei baŋ ambu sɔk yaa bǝn sɔk tar.

7 Yesɔ adi abɛ na ndumo, <<Shur zhin amashir shak ancomɔ ma. >> Ankyak akɔ shur amashir ashak ancomɔ ma te duŋu anyɛ anumɔ, 8 ankyak Yesɔ adi ba, <<Azizaŋa izhin bǝ fa amashir anuŋ Gli iner ne na igyaŋa.>> Ne fa amashir agli iner ne igyaŋa, 9 fe iner ne na igyaŋa asɔ amashire ndi ne kamu ate ama inebi te wɔ mǝne. Bane zhi amkpa awaŋ ndi ne gliu areme ba, ama agene abaŋ ndi ne fa amashire ne zhi. Ankyak azho waŋ ndi akpau ŋama ne kɔnsa 10 te diu, <<kɔte ŋɔwa akuti agli ama inebi ane men agli rumo te Gli ane yaŋ men anyɛ me angɔŋgɔŋ. Ama uwa une su adidige yir te tashi gliu nyɛmɛ.>>

11 Waŋa ai iki yi vuŋ anu yi kuti ndi Yesɔ ne nai ne Kana kɛ Galili. Ne amɔ ne Gli Ngɔŋ maa agli arumɔ, abɛ zeu tsin ne tanyɛme ben abɔu.