1 Ferisawa ben abɛ tsar cɛr yi Musa ne nyɛ rɛ Urshelima te zhɔk Yesɔ ne tsutsu 2 ayik abɛ tsene maa azǝn li kili ne <<aŋɔk rik,>> iyaŋ ŋla. 3 (Ferisawa bǝn Yahudawa ba li kili ba se ne ŋla aŋɔk baliŋ a gli ita iyi ŋla aŋɔk, azǝ taada atsintsim men. 4 Ate rɛ dub ba tei li kili ba se ne su baliŋ. Ana zǝ iki na atsintsim amen, amɛ ndi aŋla kparantse, kǝkɛn bǝn agodɔ.)

5 Fe Ferisawa bǝn abɛ tsar yi Musa arib Yesɔ te di, <<Ayi anii duŋ abɛ tsene ami ba ŋla aŋɔk ir keŋ ndi taada ane antsimtsim amɔr ne di ka te li kili ne aŋɔk rik?>>

6 Yesɔ asak bama tedi, <<Ishaya ne bla lɛ didik ne atu amin izhin abɛ kamgli ndi ne cɛr:

<<<Aner abaŋa a nǝm ŋgɔŋ muŋ ne bɛrenu,

Ama asusun amen ayi shaan ben abɛm.

7 Anaga zǝm isha;

Itsar mǝne iyi bla aneshir.>

8 Izhin ne duŋ ilɛ kǝ Arik te zǝ taada amin ane kukub.>>

9 Ankyak Yesɔ adi ba: <<Izhin wɔb ankɔŋ ane tyak ilɛ kǝ Arik zhɔk te izhin bǝ zǝ taada antsintsim amin! 10 Musa ne di, <Nǝk tetɛɛ mi ben iyah mi ŋgɔŋ> te, <waŋ ndi ate yen tetɛɛ maa ben iyah maa tuk abɛ ŋunu.> 11 Ama izhineba di ineshir te di Tetɛɛ maa ben iyah maa: <iki yiŋ ndi atei nek atetɛ atei nek Arik neyi> (Iki yiŋ ndi mne ndi M tei nek zhin, mne kam baŋǝ nek Arik), 12 fe ba zhin te na duŋu ana tetɛɛ maa ben yaa maa ki nuŋ ba. 13 Neme wa izhin yik lɛ kɛ Arik iyi kisha ne ikiki iyi na min kukub. Izhin na kiki yiŋɛ amɛ.>>

14 Ankyak Yesɔ azho ntsan aneshire te di, <<Wɔ me zhin, kɔ te ŋɔwa, abɛ zhi yiŋɛ. 15 Bai ki yiŋ ndi yir ne kpa kɛ neshir yi <cogu ala ba.> Ayi iki yiŋ ndi ne rurɛ anu amaa yi <cogu ala.>>> 16 Iwaŋ ndi ayi ne atɔŋ ayi wɔ, abɛ wɔ.

17 Ndi ne duŋ ntsan aneshire te yir kɔb, abɛ tsene maa a rib bu lɛ kǝ lɛ kuŋkum maa. 18 A rib. <<Ba zhin ne zhi ka?>> <<Izhin yik iki yiŋ ndi iyir anu akɛ neshir iyi <cogu ala kai>? 19 Bane yir susun maa ba ne yir imiŋ ne maa, ite na ru ne kpa maa.>> (Nǝ di yiŋɛ, Yesɔ ne di kɔ di kili tayi iyi tsetser.>>)

20 Yesɔ adi: <<Ki yiŋ ndi irurɛ kpa kɛ neshir iyi <cogu ala.> 21 Te ne miŋ, ne susun kɛ aneshir, kiki mimin ru remɛ, amɛ ndi ize amba bǝn alulum, zhib, ŋlɔk aneshir, 22 kur bǝn alulum bǝn amba, te abubu, zumimiŋ, nyer tu, kamgli, ankiŋki, ilɛ mumur, lɛk tu, bǝn na kpukpur. 23 Kiki mimin yiŋɛ bɔbɔk irurɛ miŋ susun te cɔk neshir <la.>>>

24 Yesɔ ne duŋ amkpama te kɔmɔ ne gar kɛ Taya ne yir min kɔb bane tanyɛme te aneshir abɛ zhi ba; ne me bane zhi iyi ben iru maa ba. 25 Ilɛ didik, ndi iwa ma ne wɔ lɛ kɛ Yesɔ, iwa waŋ ndi va maa vǝtsɔb ayi ne anerime anyɛ zhaku ne aza maa. 26 Iwama ayi vǝŋɔ ne Helinawa, nga kɛ Siriya Basurofinikiya. Aben Yesɔ tedi abɛ gli anerime rumɔ ne kpa kɛ va maa.

27 Yesɔ ablau, <<Duŋ amumun abɛ li baliŋ,>> <<ba ne rɛ te bɛ baŋ kili yi amumun didik anǝk ane viu ba.>>

28 <<Iyi amɛ, Ŋgɔŋ,>> Yesɔ mtanyeme, <<ama ane viu abaŋ ndi akur ne angus mben yi sak la ali nki kili yi amumun iyi var hrie.>>

29 Fe Yesɔ ablau, <<Nǝ tanyɛme yiŋɛ, kɔmɔ, anerime ne ka ru ne kpa kɛ va mi.>>

30 Ne kɔmɔ te kɔte yik va maa akɔ kurna ne adonke, anerime ne ka ru.

31 Fe Yesɔ ne duŋ Taya te zǝ Sidon, te kɔmɔ ne nek ne Galili ne gar kɛ Dikafoli. 32 Aneshire anuŋ ne gli ner ne yaŋ wɔ lɛ ben ne ku ntam, te benu te bǝ sagu ŋɔk ne kpa maa.

33 Ndi Yesɔ ne baŋu te ru kɔnsa, te nab muno ŋɔk maa a sak ne tɔŋ maa. Ne shur ante te sak ŋɔk ne lilɛn maa. 34 Yesɔ ne tɔ gbarshu te zhɔk susun te diu, <<Ifata!>> (Watɔ, <<Bu!>>). 35 Nǝ mee, atɔŋ yi neshire abu, iki yi kpa lilɛn maa itun te vuŋ lɛ anenen.

36 Yesɔ adiu kǝr abɛ duŋ bla nuŋ ba. Ama ndi zen bla amɛ, aneshir zen bla ki yi na maa shak amkpa. 37 Aneshir ne yik ki yi vuŋ anu gar kam ankɔŋɔ. <<Ne na kiki bɔbɔk anenen,>> anere adi. <<Yesɔ ne duŋ abɛba ben abɛ amfik atɔŋ a wɔ lɛ.>>