1 Fe Yesɔ adi ba, <<Mbla zhin lɛ didik, anuŋ ndi a klikli ayaŋa batei yik iku te ashe yir kɔb Arik ne mgbyamgbyaŋ ba.>>

2 Ndi bɛr tani ne gayir Yesɔ ne baŋ Biturus, Yakubu ben Yɔɔna ben bɔu te gli ba te yuŋ igbu lɛlɛ, abǝba ankyak ne nak yi ne amɔ. Ne mwɔ Yesɔ ne sǝn ikpa maa ne ti men. 3 Iki yi su maa ne kam te klikla, ndi ba nuŋ ne gɔnmimi ndi ate ya ŋla iki duŋǝ klak amɛ. 4 Fe Iliya ben Musa amunoru ne atsutsu men, te lɛ ben Yesɔ.

5 Biturus adi Yesɔ, <<Ne Tsar, ne rɛ tǝ ta yi ayaŋa. Duŋ ta na abur amɛ tar, izhiin bǝ yi mi, izhiin ikɛ Musa inuŋ bǝ yi kɛ Iliya.>> 6 (Biturus bane yi ne kiyi bla ba, sǝsǝk ne te ba.)

7 Fe akpa anyɛ ku ba, awɔ kɔr ire miŋ amkpama te di: <<Waŋa ayi izu muŋ, waŋa ndi me nyeru. Wɔ zhin ne wu!>>

8 Ankyak, ndi ne kam tɔ, ba ne na yik nuŋ ba anak ayi Yesɔ wa ankyak.

9 Ndi azǝn zi ne gbumɔ, Yesɔ ne gbaŋ ba atɔŋ kǝr abɛ bla nuŋ iki yiŋ ndi ne yik ba se Izu neshir ne lu ne bɛ. 10 Nǝ Gli ilɛmɛ ne asusun amen, te lɛ ne akpa tedi anii, <<ilu ne bɛ me>> Idi.

11 Fe arib Yesɔ tedi, <<Ai yi ne duŋ abɛ tsar cɛr yi Musa ne di Iliya wa atei kuti anyɛi?>>

12 Yesɔ adi ba, <<Iyi amɛ, Iliya wa atei kuti nyɛ, tena kiki aŋyak bɔbɔk. Tǝ aye nii ne cɛr tedi Izu Neshir atei yik iyah tetɛk te na kyak gui? 13 Ama mbla zhin, Iliya ne ka nyɛ, ne ka nau iki yiŋ ndi nɛrɛ ba, ndi ne cɛr ne atu amaa.>>

14 Ndi ne nyɛ ben nki abɛ tsene maa, ne yik ntsan aneshir ne goŋ ba ri abɛ tsar cɛr yi Musa azǝn te antam ben abɛba. 15 Ankyak ndi aneshir bɔbɔk ne yik Yesɔ, ne sak aŋɔk ne anu te klu gar tegu.

16 Yesɔ arib ba tedi, izhin te antam ayi anii ben abɛba yi?

17 Ineshir nuŋ ne miŋ kɛ aneshir asagu ma te di, <<Ine Tsar, Mne gliu izu muŋ, waŋ ndi anerim aduŋu aku amkpen. 18 Mkpaŋ keŋ ndi ilɔmɔ te lu, ibaŋu tyak zhɔk ne mimi. Aru amfu nɛ ne, te ŋu aŋin tɛ aku asi. Mne mben abɛ tsene ami bɛ gli anerime agli arumɔ, ama bane nau ayir ba.>>

19 Ankyak Yesɔ adi ba, <<Aneshir abɛ mkpaŋ kǝŋe abɛ yaŋ tanyɛmɛ ne asusun, <<M tei sɔŋ ben abɛ zhin igar mkpaŋ takɛ? Gli zhin vǝvǝne gli nyɛmɛ.>>

20 Fe agliu vǝvǝne. Ndi anerime ne yik Yesɔ, ne amkpama ilɔmɔ iduŋ vǝvǝne aku asi. Azhaku ne mimi, te ru amfu nenu.

21 Yesɔ arib tetɛɛ maa vǝvǝne, <<Ana amɛ are atentai?>>

<<Tetɛɛ maa vǝvǝne adi, <<Ire mkpaŋ keŋ ndi ne ŋliu.>> 22 <<Iben tyagu zhɔk ne lu ben amashir te ibǝ ŋunu. Ama ate yi ndi utǝ ya na kinuŋ, lɔ susun mɔr te lɔk tama.>>

23 Yesɔ adiu <<<Te anii udi tem tei ya mai>? <<kɔte nii itei te ben abaŋ ndi ne tanyɛmɛ ne susun.>>

24 Andanda tetɛɛ ma vǝvǝne alǝk kɔr te di, <<Mne tanyɛmɛ; duŋ tanyɛmɛ muŋ bɛ yi tetɛk!>>

25 Ndi Yesɔ ne yik ntsan aneshir aklu aru, atsaŋ anerime tedi, <<Uwa irim ne yaŋ lɛ, <<Mdiu, bǝ ru ne kpa kɛ vǝvǝn waŋa kǝr bǝ na yiru ba.>>

26 Irime ate ahwa, te ŋur vǝvǝne ngɔŋ atyak zhɔk ne mimi te ru. Ankyak vǝvǝne akur ndi kum ndi aneshir tetɛk ne di, <<Vǝvǝne aku.>> 27 Ama Yesɔ avuŋ vǝvǝne ne ŋɔk te lɛgu aŋyak adidik, ankyak vǝvǝne alu akli.

28 Ndi Yesɔ ne yir kɔb, abɛ tsene maa ne rib bu raraŋ, <<Anii ne duŋ ta bane ya yar rim waŋa gli rumɔ kai?>>

29 Yesɔ adi ba, <<Iyiŋɛ itei ru ne ben Arik.>>

30 Nǝ duŋ amɔ te zǝ ntun Galili. Yesɔ ba ne wɔb te kǝr nuŋ abɛ zhi amkpa waŋ ndi aba yime ba, 31 te ne zǝ tsar abɛ tsene maa. Adi ba, <<atei baŋ izu neshir alɛb aneshir. atei ŋunu, iber yi tar ate lu.>> 32 Ama ba ne zhi iki yiŋ ndi abla ma ba te te sisik rib bu ma.

33 Ndi ne nyɛ kafanahum. Yesɔ ne yi miŋ kɔb, ne rib abɛ na ndum amaa te di, <<Izhin ne zen te antam ne atu ye ni ne ankɔŋ?>> 34 Ama ba ne bu anu ba te ne zen te atam ne atu ayi ŋɔwa ayi ngɔŋ anaŋ.

35 Ndi Yesɔ ne zǝ sɔŋ, ne zhɔ awur aneyaa abe tsene maa te di ba, <<Iwaŋ ndi ate wɔb te wa bǝ yi ne kuti, bǝ nak yi ne klɛtu, te bǝ yi igen ayi kɔte ŋɔ.>>

36 Yesɔ avuŋ vǝvǝn vǝtsɔb alǝk aŋyak adidik ne atsutsu men. Te baŋu agli ne ampa, te di ba, 37 <<Waŋ ndi ate ta izhin ne miŋ kɛ amumun abaŋa ne sak muŋ ne ta nga; iwaŋ ndi ate tam ba ne tam ba ama ne ta waŋ ndi ne shar me.>>

38 Yɔɔna adi, <<Nǝ tsar,>> <<ta ne yik ner nuŋ agli anerim arumɔ ne kpa kɛ aneshir, te ba yi bene abɛta ba.>>

39 Yesɔ adi ba, <<kǝr zhin bǝ yaru ma ba,>> <<ba waŋ ndi ana kiki yi vuŋ anu ne sak muŋ te lǝlɛ mimin ne atu amuŋ, 40 iwaŋ ndi ba te zor ben abɛta ba ayi ben abɛta. 41 Mbla zhin lǝ lɛ didik, iwaŋ ndi ate nek zhin amashir ne kparantse ne sak muŋ te zhin yi ben Kristi ba tei yaŋ ta idǝk ma ba.

42 <<Iwaŋ ndi ate duŋ nuŋ ne miŋ kɛ amuotsɔtsɔb abaŋ ndi ne tanyɛmɛ bǝn abɛm alalɛ, itei naŋ te abɛ baŋ mkpaŋ nena ŋgon akpau ne tɔ te baŋu atyak azhɔk ne nek. 43 Ate yi ndi ŋɔk mi duŋu la lɛ, ubǝ sɛr kɛ kyaŋ. Itei rɛ te ubǝ yir ikɔb Arik ne ivli mi ne ŋɔk zhin te ubǝ yi ne aŋɔk ayaa te yir lu, 44 Amɔ nkis yiŋ ndi tei li bama ba tei ku ba, neme ilu kǝ goŋ bama ba tei rim ba. 45 Itei nayi ndi iza mi duŋu la lɛ, sɛr kɛ kyaŋ. Itei rɛ te ubǝ yir ikɔb Arik ne ivli mi ne mkpɔk za inaŋ te ubǝ yir ne aza yaa te yir lu. 46 Amɔ nkis yiŋ ndi tei li bama ba tei ku ba, neme ilu kǝ goŋ bama ba tei rim ba. 47 Ate yi ndi iyi mi itei duŋu la lɛ, tuŋ kɛ tibɛ. Itei rɛ te ubǝ yir kɔb Arik ne yi zhin te ubǝ yir ne ayi ayaa te yir lu, 48 Amɔ

<<<Nkis mǝne ba ku ba,

Ilumɔ ba rim ba.

49 Atei kla kɔte ŋɔwa ndi aren imaŋ ne lu.

50 <<Imaŋ irɛ, imen maa te klɛ, itei na kikin te duŋ men maa bǝ kam nyak? Izhin bǝ yi ndi maŋ, te sɔŋ zhin keke ne akpa amin.