Genesis 45

Nagpakilala si Jose sa Kanyang mga Kapatid

1 Hindi na mapigilan ni Jose ang kanyang sarili, kaya pinalabas niya ang kanyang mga alipin. At nang sila na lamang ang naroon, nagpakilala siya sa kanyang mga kapatid. 2 Umiyak nang malakas si Jose kaya narinig ito ng mga Ehipsiyo at ng sambahayan ng Faraon.

3 Sinabi ni Jose sa kanyang mga kapatid, "Ako si Jose! Totoo bang buháy pa ang ating ama?" Ngunit hindi nakasagot sa kanya ang mga kapatid niya dahil natulala sila.