11 Ake mfo, Abọọñ ado ubom ye adudu
ndin itooro ye ubọọñ ye uku,
ke afịd ñkpọ ke anyọñ ye ke ederimbod ado ake mfo.
Ake mfo, Abọọñ, ado abioubọọñ;
afo ke edịppe nte iwuod ekan afịd ñkpọ.
12 Inie ye ukpono uto fiin awuọ;
afo ado andikara afịd ñkpọ.
Inweek ye adudu usịne fiin ke ubọk
aditọọrọ ñnyʌñ nnọọ afịd ñkpọ ukeme.
14 "Ado ami ndo anie, mbon mmi edoñño mme anie, nọ ñnyịn ikpikeme adinọ ke ntadubọk ntom? Afịd ñkpọ uto fiin, ndin ñnyịn imunọ fiin se ikito ubọk mfo. 15 Ñnyịn idoñño isenawo ye mme adidʌñ ke iso mfo, naña mme eteete ñnyịn ekedoñño. Mme usen ñnyịn ke ederimbod atie nte ndukpọñ, idodanyen ibaaha.