43 Ndien ñwan kiet ama odu ke otu oro emi iyip ọkọwọrọde ke isua duopeba, ndien owo ndomokiet ikekemeke ndikọk enye. 44 Enye ama asaña ọdọk edi ke edem Jisọs ndien ama otuk mben ewura Esie ndien ndo ndo oro uwọrọ iyip esie ama etre.
45 Jisọs ama obup ete, "Anie otuk Mi?" Kpukpru owo ema ekañ, edi Pita ama ọbọrọ ete, "Andikpep, mme owo ke edediọñ ewak, enyuñ ekeme ndituk fi."
46 Edi Jisọs ọdọhọ enye ete, "Enyene owo emi okotukde Mi. Koro Ami mọdiọñọ nte ke odudu ọwọrọ Mi ke idem."
47 Edi ke ini ñwan oro okutde ete imọ ikemeke ndidibe, enye ama ọwọrọ edi, ke ñnyekidem, ediduọ Jisọs ke ukot, onyuñ etiñ ke iso kpukpru owo ntak emi akanamde enye otuk Jisọs ye nte udọñọ esie okurede ke ndo ndo oro.
48 Ndien Jisọs ama ọdọhọ enye ete, "Eyen mi añwan, mbuọtidem fo ọkọk fi, nyọñ ke emem."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)