Ezequiel 16

36 मालक बिधाता बोला इहअ, "तंऐं किऐ नशर्म हई ईंयां च़िल़्हखरै काम। तंऐं किई तेरै लोभी लै आपणीं घेरीए झिकल़ै पोर्ही संघा सुत्ती तिन्‍नां संघै नांगी! तूह रही मुहुर्तीए पूज़ा-गाज़ा लागी अर तिन्‍नां मुहुर्ती लै किऐ तंऐं आपणैं शोहरू-शोहरी बल़ीदान। 37 तैही झाल़णैं मुंह ऐबै तेरै तिंयां सोभ लोभी ज़हा संघै तूह रही-बस्सी। तिंयां झाल़णैं मुंह सोभ ज़हा लै तूह झ़ूरा ती। तिंयां बी झाल़णैं मुंह सोभ ज़ुंण ताखा नफरत करा तै। ईंयां झाल़णैं मुंह ताह फेरा फेर संघा करनी मुंह तूह इना सोभी नदरी नांगी अर तिन्‍नां सोभी भाल़णीं तेरी पठ नांगी घेर।