असली फुआल
11 परमेशर बिधाता बोला इहअ, "ऐबै डेऊणअ मुंह आपणीं भेडे हेल़्ही भाल़ै आप्पै, तिंयां आणनीं मुंह बापस लोल़ी।34:11 लूक. 19:10 12 ज़ेभै कहा फुआले हेल़्ही का भेडा ओर्ही-पोर्ही टल़ा, सह फुआल डेओआ तिन्नां लुक्की दी भेडा लोल़अ। तेही ई आणनीं मुंह आपणीं भेडा तिन्नां ज़ैगा का लोल़ी ज़ेथ तिंयां काल़ै घणैं बादल़े धैल़ै नटिप्प न्हैरै कज़ेस्सी छिंघुई ती। 13 तिंयां काढणीं मुंह देशा-देशा जैंदरा का बापस, तिंयां झाल़णीं मुंह हर ज़ैगा का संघा पजैल़णीं तिंयां इज़राईल देशे धारा। तिंयां च़रनीं तेथ पाणींए गाडा नेल़ अर तिन्नां ज़ैगा ज़ेथ लोग आसा बस्सै दै। 14 मुंह च़राऊंणी तिंयां हरै घाहे घैहणीं दी। इज़राईल देशे उछ़टी धारा हणअ तिन्नां च़रना लै बतेर्हअ। तिधी रहणीं तिंयां हरै घाह जैंदरी सुत्ती अर तेथ भेटणअ तिन्नां लै रज्ज़ी घाह खाणां लै। 15 मेरी भेडे हेल़्हीओ फुआल हणअ हुंह आप्पै, तिंयां बशैल़णीं मुंह हरै घाहे घैहणीं नेल़। अह गल्ल डाही मंऐं परमेशर बिधाता बोली।34:15 भज. 23:1-2
16 "ज़ुंण भेडा लुक्की दी आसा, मुंह डेऊणअ तिन्नां लोल़ै, ज़ुंण हेल़्ही का टल़ी दी आसा, तिंयां आणनीं मुंह बापस। ज़ुंण भेडा ज़खमी आसा हुई दी तेथ लाणअ मुंह मल्हम। दुबल़ी अर बमार भेडे करनी मुंह राम्बल़ी पल़ाई। पर आजू हांढणै आल़ी बडी भेडा ज़हा खास्सी च़र्बी अर ज़ोर आसा, तिंयां पाणीं मुंह काटी। किल्हैकि हुंह आसा सह फुआल ज़ुंण शुचअ नसाफ करा।