1 un di Pelishtim hobn aingezamlt zeyere machnus oif milchome. un zei hobn zich aingezamlt in Socho vos gehert tsu Yehudah, un hobn gelagert tsvishn Socho un tsvishn Azekah in Efes-Damim.

2 un Shaul un di mener fun Yisroel hobn zich aingezamlt un hobn gelagert in tal Elah; un zei hobn ongericht a milchome akegn di Pelishtim. 3 un di Pelishtim zainen geshtanen oifn barg fun der zait, un di Yisroel zainen geshtanen oifn barg fun der ander zait, mit dem tal tsvishn zei. 4 iz aroisgegangen der tsvishnman fun dem lager fun di Pelishtim mitn nomen Golyat fun Gat, vos zain heich iz geven zeks eiln un a shpan. 5 un a kuperner kiver iz geven oif zain kop, un in a shild fun shupn iz er geven ongeton, un di vog fun dem shild iz geven finf toiznt shekl kuper. 6 un kuperne blechn zainen geven oif zaine fis, un a kuperne pike tsvishn zaine akslen. 7 un der holts fun zain shpiz iz geven vi der shtang fun a veber, un der kling fun zain shpiz iz geven zeks hundert shekl aizn. un der shildtreger iz gegangen im farois.

8 un er hot zich avekgeshtelt, un hot gerufn tsu di reyen fun Yisroel, un hot tsu zei gezogt: noch vos geit ir arois onrichtn a milchome? bin ich den nisht der Pelishti, un ir knecht bai Shauln? kleibt aich ois a man, un zol er aropnideren tsu mir. 9 oib er vet kenen milchome haltn mit mir, un vet mich dershlogn, veln mir zain knecht tsu aich; un oib ich vel im baikumen, un vel im dershlogn vet ir zain knecht tsu undz, un vet undz dinen.

10 un der Pelishti hot gezogt: ich shpot fun di reyen fun Yisroel haintikn tog; git mir a man un lomir milchome haltn mit anander.

11 un Shaul un gants Yisroel hobn gehert di dozike verter fun dem Pelishti, un zei hobn zich dershrokn, un hobn zeyer moire gehat.

12 un Dovid iz geven der zun fun yenem Efrater man fun Beis-Lechem-Yehudah, vos zain nomen iz geven Yishai; un er hot gehat acht zin. un der man iz in di teg fun Shauln geven a zoken vos kumt tsvishn lait. 13 un di drai eltere zin fun Yishaien zainen gegangen noch Shauln in der milchome; un di nemen fun zaine drai zin vos zainen gegangen in der milchome, zainen geven: Eliav der bechor, un der tsveiter fun im Avinadav, un der driter Shammah. 14 un Dovid iz geven der klenster; un di drai gresere zainen gegangen noch Shauln. 15 un Dovid flegt gein un zich umkeren fun Shauln tsu fitern di shof fun zain foter in Beis-Lechem.

16 un der Pelishti hot genent peire un shpet, un hot zich geshtelt fertsik teg nochanand.

17 un Yishai hot gezogt tsu zain zun Dovidn: nem akorsht far daine brider an eife fun di dozike gebrente zangen, un di dozike tsen broiten, un loif dermit ariber in lager tsu daine brider.

18 un di dozike tsen kez zolstu brengen tsu dem hoiptman fun dem toiznt; un zolst fregn daine brider oif frid, un nemen fun zei a tseichn.

19 un Shaul un zei un ale mener fun Yisroel zainen geven in tal Elah, in milchome mit di Pelishtim.

20 hot zich Dovid gefedert in der peire, un er hot ibergelozt di shof oif a shoimer, un er hot genumen un iz gegangen azoi vi Yishai hot im bafoiln, un er iz ongekumen in lagerring, ven der cheil vos iz aroisgegangen in shlacht, hot geshalt oif milchome. 21 un Yisroel un di Pelishtim hobn zich oisgeshtelt a rei kegen a rei. 22 hot Dovid ibergelozt di zachn fun zich oif der hant fun dem shoimer fun di zachn, un er iz gelofn tsum shlachtfeld; un er iz gekumen un hot gefregt zaine brider oif frid.

23 vi er redt mit zei, ersht der tsvishnman vos zain nomen iz geven Golyat der Pelishti fun Gat, kumt aroif fun di reyen fun di Pelishtim, un er hot geredt azoi vi yene reid; un Dovid hot gehert.

24 un ale mener fun Yisroel, vi zei hobn derzen dem man, azoi zainen zei antlofn far im, un hobn zeyer moire gehat. 25 un di mener fun Yisroel hobn gezogt: hot ir gezen dem dozikn man vos kumt aroif? vorem tsu lestern Yisroel kumt er aroif; un es vet zain, der man vos vet im dershlogn, vet im der melech machn far a grois oysher, un vet im gebn zain tochter, un zain foters hoiz vet er machn frai in Yisroel.

26 hot Dovid gezogt tsu di mentshn vos zainen geshtanen lebn im, azoi tsu zogn: vos vet geton vern tsu dem man vos vet dershlogn yenem Pelishti, un vet opton di shand fun Yisroel? vorem ver iz der doziker umbashnitiner Pelishti, az er zol lestern di reyen fun Elokim cheim? 27 hot dos folk im gezogt azoi vi dos dozike reid, azoi tsu zogn: azoi vet geton vern tsu dem man vos vet im dershlogn.

28 hot Eliav, zain elterer bruder, gehert vi er redt tsu di mentshn, un der tsorn fun Eliavn hot gegrimt oif Dovidn, un er hot gezogt: tsu vos gor hostu aropgenidert, un oif vemen hostu ibergelozt yene bisel shof in midber? ich ken dain mutvilikeit, un di shlechtikeit fun dain hartsn, az kedei tsutsukukn di milchome hostu aropgenidert. 29 hot Dovid gezogt: vos hob ich atsund geton? es iz doch nor a gereid.

30 un er hot zich opgedreit fun im tsu an andern, un hot gefregt di eigene zach, un dos folk hot im geentfert azoi vi dos frierdike gereid.

31 zainen gehert gevorn di verter vos Dovid hot geredt, un me hot dertseilt far Shauln, un er hot im gelozt brengen tsu zich. 32 un Dovid hot gezogt tsu Shauln: zol kein mentshns harts nisht aropfaln iber im; dain knecht vet gein, un vet milchome haltn mit dem dozikn Pelishti. 33 hot Shaul gezogt tsu Dovidn: kenst nisht gein oif dem dozikn Pelishti, milchome tsu haltn mit im, vorem du bist a yingel, un er iz a man fun milchome fun zain yugnt on. 34 hot Dovid gezogt tsu Shauln: dain knecht iz geven a pastuch far zain foter bai di shof, un az a leib iz gekumen, oder a Beor, un hot avekgetrogen a sheps fun der stade, 35 bin ich aroisgegangen noch im, un hob im geshlogn, un hob aroisgerisn fun zain moil; un az er hot zich geshtelt akegn mir, hob ich im ongenumen baim bord, un hob im dershlogn un im geteit. 36 i dem leib i dem Beor hot dain knecht dershlogn; un der doziker umbashnitiner Pelishti vet zain vi einer fun zei. vail er hot gelestert di reyen fun dem lebedikn Elokim.

37 un Dovid hot gezogt: Hashem vos hot mich matsl geven fun der hant fun leib, un fun der hant fun Beor, er vet mich matsl zain fun der hant fun dem dozikn Pelishti. hot Shaul gezogt tsu Dovidn: gei, un zol Hashem zain mit dir.

38 un Shaul hot ongeton Dovidn zaine kleider, un er hot aroifgeton a kupernem kiver oif zain kop, un im ongeton a shild. 39 un Dovid hot ongegurt zain shverd iber zaine kleider, un zich gematert tsu gein, vail er iz nisht geven tsugevoint. hot Dovid gezogt tsu Shauln: ich ken nisht gein in di dozike, vail ich bin nisht tsugevoint. un Dovid hot zei oisgeton fun zich. 40 un er hot genumen zain shtekn in zain hant, un hot zich oisgeklibn finf glate shteiner fun dem bach, un araingeton in dem pastuchzekl vos er hot gehat, in dem baitl; un zain shlaiderer iz geven in zain hant; un er hot genent tsu dem Pelishti.

41 un der Pelishti iz gegangen alts nenter tsu Dovidn un der man vos trogt dem shild, im farois. 42 un der Pelishti hot a kuk geton un hot derzen Dovidn, un hot im faracht, vorem er iz geven a yingel, un geroitlt, oich shein oifn ponem. 43 un der Pelishti hot gezogt tsu Dovidn: tsi a hunt bin ich, vos du kumst tsu mir mit shtekens? un der Pelishti hot gesholtn Dovidn bai zain G-t. 44 un der Pelishti hot gezogt tsu Dovidn: kum tsu mir, un ich vel gebn dain fleish tsum foigel fun himel un tsu der chaye fun feld. 45 hot Dovid gezogt tsu dem Pelishti: du kumst tsu mir mit a shverd un mit a shpiz un mit a pike, un ich kum tsu dir in dem nomen fun Hashem Tseva'ot, dem Hashem fun di reyen fun Yisroel vos du host gelestert. 46 haintikn tog vet dich Hashem iberentfern un ich vel dich dershlogn, un vel aropnemen dain kop fun dir; un ich vel gebn di pegorim fun der machne fun di Pelishtim haintikn tog tsum foigel fun himel un tsu der chaye fun der erd; un di gantse erd vet visen, az faran Elokim bai Yisroel. 47 un di dozike gantse ainzamlung vet visen az nisht mit a shverd un mit a shpiz helft Hashem; vorem di milchome iz Hashems, un er vet aich gebn in undzer hant.

48 un es iz geven, vi der Pelishti iz oifgeshtanen un iz gegangen un hot genent antkegen Dovidn, azoi hot Dovid geailt, un iz gelofn tsum shlachtfeld antkegen dem Pelishti. 49 un Dovid hot araingeshtekt zain hant in zekl, un hot aroisgenumen fun dortn a shtein, un a shlaider geton, un getrofn dem Pelishti in zain shtern. un der shtein iz araingezunken in zain shtern, un er iz gefaln oif zain ponem tsu der erd. 50 azoi hot Dovid ibergeshtarkt dem Pelishti mit a shlaiderer un mit a shtein, un getrofn dem Pelishti, un im geteit; un kein shverd iz nisht geven in Dovids hant.

51 un Dovid iz tsugelofen, un hot zich geshtelt iber dem Pelishti, un hot ongenumen zain shverd, un zi aroisgetsoign fun ir sheid, un im geteit; un er hot opgeshnitn mit ir zain kop. un di Pelishtim hobn gezen az zeyer gibor iz toit, un zei zainen antlofn. 52 un di mener fun Yisroel un Yehudah zainen oifgeshtanen un hobn geshalt, un nochgeyogt di Pelishtim biz du kumst kein Gai, un biz di toiern fun Ekron. un es zainen gefaln dershlogene fun di Pelishtim oif dem veg fun Shaarayim, un biz Gat, un biz Ekron. 53 un di kinder fun Yisroel hobn zich umgekert fun nochyogn di Pelishtim, un zei hobn oisgeroibt zeyer lager.

54 un Dovid hot genumen dem kop fun dem Pelishti, un hot im gebracht kein Yerushalayim, un zaine vafn hot er ahingeton in zain getselt.

55 un az Shaul hot gezen Dovidn aroisgein akegn dem Pelishti, hot er gezogt tsu Avner dem cheil-lider: vemes zun iz der doziker bocher, Avner? hot Avner gezogt: azoi vi dain zel lebt, melech, oib ich veis! 56 hot der melech gezogt: freg du zich noch vemes zun der yung iz.

57 un vi Dovid hot zich umgekert fun shlogn dem Pelishti, azoi hot im Avner genumen, un hot im gebracht far Shauln, mit dem kop fun dem Pelishti in zain hant. 58 hot Shaul tsu im gezogt: vemes zun bistu, bocher? hot Dovid gezogt: der zun fun dain knecht Yishaien fun Beis-Lechem.