1 un Dovid hot gezogt bai zich in hartsn: atsund vel ich ein tog umgebracht vern durch Shauls hant. nishto besers far mir, vi antrunen zol ich antrunen vern in land fun di Pelishtim, un Shaul vet zich meyaesh zain fun mir, mich vaiter tsu zuchn in gantsn gemark fun Yisroel; azoi vel ich antrunen vern fun zain hant.

2 iz Dovid oifgeshtanen un iz aribergegangen, er un di zeks hundert man vos mit im, tsu Achish dem zun fun Maochn, dem melech fun Gat. 3 un Dovid iz gezesn bai Achishn in Gat, er un zaine mentshn, itlecher mit zain hoizgezint, Dovid mit zaine tsvei vaiber, Achinoam fun Yizreel, un Avigal di vaib fun Navaln fun Karmel.

4 iz ongezogt gevorn Shauln, az Dovid iz antlofn kein Gat, ober er hot im mer vaiter nisht gezucht.

5 un Dovid hot gezogt tsu Achishn: oib, ich bet dich, ich hob gefunen chein in daine oign, zol men mir gebn an ort in einer fun di feld-shtet, un ich vel dortn zitsn; un noch vos zol dain knecht zitsn in der meluche-shtot bai dir?

6 hot im Achish gegebn in yenem tog Tsiklag. deriber gehert Tsiklag tsu di mlochim fun Yehudah biz oif haintikn tog.

7 un di tsol fun di teg vos Dovid iz gezesn in feld fun di Pelishtim, iz geven a yor mit fir chodeshim.

8 un Dovid un zaine mentshn flegn aroifgein un onfaln oif dem Geshuri, un dem Girzi, un dem Amaleki, vorem zei zainen geven di bavoiner fun land vos fun eibik on, vi du kumst kein Shur, un biz land Mitsrayim. 9 un Dovid flegt shlogn dos land, un nisht lozn lebn kein man un kein froi; un er flegt tsunemen shof un rinder, un eizlen, un kemlen, un begadim, un zich umkeren un kumen tsu Achishn. 10 un az Achish hot gezogt: vu zait ir ongefaln haint? hot Dovid gezogt: oifn dorem fun Yehudah, un oifn dorem fun dem Yerachmeeli, un oifn dorem fun dem Keni.

11 un kein man un kein froi flegt Dovid nisht lozn lebn, tsu brengen kein Gat, vail er hot gezogt: tomer veln zei dertseiln oif undz, azoi tsu zogn: azoi un azoi hot Dovid geton. un azoi iz geven zain shteiger ale teg vos er iz gezesn in feld fun di Pelishtim. 12 un Achish hot gegloibt Dovidn, azoi tsu zogn: farmiusn hot er zich farmiust bai zain folk, bai Yisroel, un er vet mir zain far an eibikn knecht.