1 un Shaul hot geredt tsu Yonatan zain zun un tsu ale knecht, tsu teitn Dovidn; ober Yehonatan der zun fun Shauln hot zeyer gegart Dovidn. 2 un Yehonatan hot dertseilt Dovidn, azoi tsu zogn: main foter Shaul zucht dich tsu teitn. un atsund, ich bet dich, zai opgehit in der peire, un zolst zitsn in farborgenish un zich bahaltn. 3 un ich vel aroisgein, un vel shtein lebn main foter oif dem feld vos du bist dortn. un ich vel redn vegen dir tsu main foter, un az ich vel vos merkn, vel ich dir zogn.

4 un Yehonatan hot geredt guts oif Dovidn tsu zain foter Shauln, un er hot tsu im gezogt: zol der melech nisht zindikn akegn zain knecht, akegn Dovidn, vail er hot akegn dir nisht gezindikt, un vail zaine tuungen zainen geven zeyer gut far dir. 5 un er hot genumen zain lebn in zain hant, un hot geshlogn dem Pelishti, un Hashem hot geton a groise yeshue far gants Yisroel; host es gezen, un host zich gefreit. un far vos zolstu zich farzindiken on umshuldikn blut, tsu teitn Dovidn umzist?

6 hot Shaul tsugehert tsu dem kol fun Yehonatanen, un Shaul hot geshvorn: azoi vi Hashem lebt, oib er vet geteit vern!

7 un Yehonatan hot gerufn Dovidn, un Yehonatan hot im dertseilt ale di dozike verter. un Yehonatan hot gebracht Dovidn tsu Shauln, un er iz geven far im azoi vi nechtn-eyernechtn.

8 un vider gevorn a milchome, un Dovid iz aroisgegangen, un hot milchome gehaltn akegn di Pelishtim, un er hot geshlogn tsvishn zei a groisn shlak, un zei zainen antlofn far im.

9 un a beizer gaist fun Hashem iz gekumen oif Shauln beeis er iz gezesn in zain hoiz mit zain shpiz in zain hant; un Dovid hot geshpilt mit der hant. 10 hot Shaul gezucht durchtsushtechn Dovidn mitn shpiz biz in vant, ober er hot zich aroisgemacht fun Shauln, un er hot araingeshtochn dem shpiz in vant. un Dovid iz antlofn un iz antrunen gevorn in yener nacht.

11 hot Shaul geshikt shluchim tsu Dovids hoiz, im tsu hitn, un im tsu teitn in der peire. ober zain vaib Michal hot ongezogt Dovidn, azoi tsu zogn: oib du ratevest nisht dain nefesh di nacht, verstu morgn geteit.

12 un Michal hot aropgelozt Dovidn durchn fentster, un er iz avek un iz antlofn un antrunen gevorn. 13 un Michal hot genumen dem trofim, un aroifgeleigt oifn bet, un a geshtrik fun tsignhor hot zi im geleigt tsu kopns, un ibergedekt mit a beged. 14 un az Shaul hot geshikt shluchim tsu nemen Dovidn, hot zi gezogt: er iz krank.

15 hot Shaul geshikt shluchim tsu zen Dovidn, azoi tsu zogn: brengt im aroif mitn bet tsu mir, im tsu teitn. 16 zainen di shluchim gekumen, ersht der trofim iz oifn bet, un dos geshtrik fun tsignhor im tsukopns.

17 hot Shaul gezogt tsu Michalen: far vos hostu mich azoi opgenart, un host avekgelozt main soine, un er iz antrunen gevorn? hot Michal gezogt tsu Shauln: er hot tsu mir gezogt: loz mich avek, noch vos zol ich dich teitn?

18 un Dovid iz antlofn un antrunen gevorn, un er iz gekumen tsu Shmueln kein Ramah, un hot im dertseilt alts vos Shaul hot im geton. un er un Shmuel zainen gegangen un hobn zich bazetst in Nayot.

19 iz ongezogt gevorn Shauln, azoi tsu zogn: ze, Dovid iz in Nayot in Ramah. 20 un Shaul hot geshikt shluchim tsu nemen Dovidn. hobn zei gezen dos gezeml neviim nevies zogn, un Shmuel shteit geshtelt iber zei; un der gaist fun Elokim iz geven oif di shluchim fun Shauln, un zei oich hobn nevies gezogt.

21 hot men ongezogt Shauln, un er hot geshikt andere shluchim. hobn zei oich nevies gezogt. hot Shaul vider geshikt drite shluchim, un zei oich hobn nevies gezogt.

22 iz er oich gegangen kein Ramah, un er iz gekumen biz der groiser grub vos in Sechu, un hot zich nochgefregt un gezogt: vu zainen Shmuel un Dovid? hot men im gezogt: on, in Nayot in Ramah.

23 iz er avek ahin kein Nayot in Ramah, un oich oif im iz geven der gaist fun Elokim, un er iz gegangen un geyendik nevies gezogt, biz er iz gekumen kein Nayot in Ramah. 24 un er oich hot oisgeton zaine kleider, un er oich hot nevies gezogt far Shmueln, un iz gelegn a naketer yenem gantsn tog, un di gantse nacht. deriber zogt men: iz oich Shaul tsvishn di neviim?