1 un es iz geven, az Dovid un zaine mentshn zainen gekumen oifn dritn tog kein Tsiklag, ersht di Amalekim zainen ongefaln oifn dorem, un oif Tsiklag, un zei hobn geshlogn Tsiklag, un hobn zi farbrent in faier. 2 un zei hobn gefangen di vaiber vos in ir, fun klein biz grois; zei hobn keinem nisht geteit, nor zei hobn zei avekgefirt, un zainen gegangen oif zeyer veg. 3 un vi Dovid un zaine mentshn zainen gekumen in shtot, ersht zi iz farbrent in faier, un zeyere vaiber un zeyere zin un zeyere techter zainen gefangen gevorn.

4 hot Dovid un dos folk vos mit im oifgehoibn zeyer kol un geveint, biz zei hobn mer kein koiech nisht gehat tsu veinen.

5 oich beide vaiber fun Dovidn zainen gefangen gevorn, Achinoam fun Yizreel, un Avigal di vaib fun Navaln fun Karmel.

6 un Dovidn hot zeyer tsugedrikt, vorem dos folk hot geredt im tsu farshteinen, vail dos gemit fun gantsn folk iz geven farbitert, itlecher iber zaine zin un iber zaine techter. ober Dovid hot zich geshtarkt mit Hashem zain G-t. 7 un Dovid hot gezogt tsu Evyatar dem koyen, Achimelechs zun: genen mir, ich bet dich, dem ephod. hot Evyatar genent dem ephod tsu Dovidn. 8 un Dovid hot gefregt bai Hashem, azoi tsu zogn: zol ich nochyogn di dozike machne? vel ich zi onyogn? hot er tsu im gezogt: yog noch, vorem onyogn vestu onyogn, un matsl zain vestu matsl zain.

9 iz Dovid gegangen, er un di zeks hundert man vos mit im, un zei zainen gekumen tsum taich Besor; un di tsurikgeblibene hobn zich opgeshtelt. 10 un Dovid hot nochgeyogt, er un fir hundert man; un tsvei hundert man hobn zich opgeshtelt, di vos zainen geven tsu opgeshlaft aribertsugein dem taich Besor.

11 un zei hobn gefunen in feld a man a mitsri, un hobn im gebracht tsu Dovidn; un zei hobn im gegebn broit, un er hot gegesn, un zei hobn im gegebn trinken vaser; 12 un zei hobn im gegebn a shtik gepreste faign, un tsvei bintlech rozinkes; un er hot gegesn, un hot opgechapt dem otem, vorem er hot nisht gehat gegesn broit un nisht getrunken kein vaser drai teg un drai necht.

13 hot Dovid tsu im gezogt: tsu vemen geherstu un fun vanen bistu? hot er gezogt: ich bin a Mitsrisher yung, a knecht fun a man fun Amalek, un main har hot mich ibergelozn, vail ich bin krank gevorn mit drai teg tsurik. 14 mir zainen ongefaln oif dem dorem fun dem Kereti, un oif vos gehert tsu Yehudah, un oif dem dorem fun Kalev; un Tsiklag hobn mir farbrent in faier. 15 hot Dovid tsu im gezogt: vestu mich aropfiren tsu der doziker machne? hot er gezogt: shver mir bai Elokim, oib du vest mich teitn, un oib du vest mich iberentfern in der hant fun main har, un ich vel dich aropfiren tsu der doziker machne.

16 hot er im aropgefirt, ersht zei zainen farshpreit oifn gezicht fun gantsn land, un zei esen un trinken un hulien iber al dem groisn roib vos zei hobn genumen fun land fun di Pelishtim, un fun land Yehudah.

17 hot Dovid zei geshlogn fun farnacht un biz oif morgn in ovnt, un fun zei iz nisht antrunen gevorn a man, achuts fir hundert yunge mener vos zainen geritn oif kemlen, un zainen antlofn. 18 un Dovid hot matsl geven alts vos Amalek hot tsugenumen; oich zaine tsvei vaiber hot Dovid matsl geven. 19 un bai zei iz gornisht geminert gevorn fun mindstn un bizn grestn, sai zin un techter, sai fun roib, sai alts vos yene hobn tsugenumen far zich; alts hot Dovid tsurikgebracht. 20 oich hot Dovid tsugenumen ale shof un rinder. hot men zei gefirt farois far yenem fich, un me hot gezogt: dos iz Dovids roib.

21 un Dovid iz gekumen tsu di tsvei hundert man vos zainen geven tsu opgeshlaft tsu gein hinter Dovidn, un me hot zei gelozt zitsn baim taich Besor. un zei zainen aroisgegangen antkegen Dovidn un antkegen dem folk vos mit im. un Dovid hot genent tsu dem folk, un hot zei gefregt oif frid.

22 hobn zich opgerufn ale shlechte un nidertrechtike lait fun di mentshn vos zainen gegangen mit Dovidn, un zei hobn gezogt: vail zei zainen nisht gegangen mit undz, veln mir zei nisht gebn fun dem roib vos mir hobn matsl geven, nor bloiz itlechn zain vaib un zaine kinder, vos zei megn avekfiren un gein.

23 hot Dovid gezogt: ir zolt azoi nisht ton, maine brider, mit dem vos Hashem hot undz gegebn, az er hot undz opgehit, un hot gegebn di machne vos iz oif undz gekumen, in undzer hant. 24 un ver vet zich tsuhern tsu aich in der doziker zach? vorem azoi vi der chelek fun dem vos nidert in milchome azoi iz der chelek fun dem vos blaibt bai di zachn; glaich zoln zei zich teiln.

25 un azoi iz geven fun yenem tog on un vaiter; un me hot es gemacht far a chok un far a gezets far Yisroel biz oif haintikn tog.

26 un Dovid iz gekumen kein Tsiklag, un hot geshikt fun dem roib tsu di eltste fun Yehudah, tsu zaine gute fraind, azoi tsu zogn: nat aich a matone fun dem roib fun Hashems faint; 27 tsu di vos in Beis-El, un tsu di vos in Ramot fun dorem, un tsu di vos in Yatir; 28 un tsu di vos in Aroer, un tsu di vos in Sifmot, un tsu di vos in Eshtemoa; 29 un tsu di vos in Rachal, un tsu di vos in di shtet fun dem Yerachmeeli, un tsu di vos in di shtet fun dem Keni; 30 un tsu di vos in Chormah, un tsu di vos in Bor-Ashan, un tsu di vos in Atach; 31 un tsu di vos in Chevron, un tsu ale erter vos Dovid un zaine mentshn zainen dortn arumgegangen.