1 un di Pelishtim hobn genumen dem orn fun HaElokim, un hobn im gebracht fun Even-Ezer kein Ashdod. 2 un di Pelishtim hobn genumen dem orn fun HaElokim, un hobn im gebracht in hoiz fun Dagon, un im avekgeshtelt lebn Dagon. 3 un di Ashdoder hobn zich gefedert oif morgn, ersht Dagon ligt anidergefaln oif zain ponem tsu der erd far dem orn fun Hashem; hobn zei genumen Dagon un hobn im umgekert oif zain ort. 4 un zei hobn zich gefedert oif morgn in der peire, ersht Dagon ligt anidergefaln oif zain ponem tsu der erd far dem orn fun Hashem, un der kop fun Dagon un zain beide hantflechn lign opgehakt oifn shvel; nor der fish־teil laib fun Dagon iz im geblibn. 5 derum tretn nisht di prister fun Dagon, un ale vos kumen in hoiz fun Dagon, oif dem shvel fun Dagon in Ashdod biz oif haintikn tog.

6 un di hant fun Hashem iz geven shver oif di Ashdoder un er hot zei farvist, un hot zei geplogt mit blotern – Ashdod mit ire gemarkn. 7 un vi di Ashdoder hobn gezen az es halt azoi, hobn zei gezogt: der orn fun dem Elokei Yisroel tor nisht blaibn bai undz, vorem zain hant iz hart oif undz un oif Dagon Elokeinu.

8 un zei hobn geshikt un hobn aingezamlt tsu zich ale firshtn fun di Pelishtim, un zei hobn gezogt: vos zoln mir ton mit dem orn fun dem Elokei Yisroel? hobn yene gezogt kein Gat zol aribergein der orn fun dem Elokei Yisroel. un zei hobn aribergetrogn dem orn fun dem Elokei Yisroel.

9 un es iz geven, noch dem vi zei hobn im aribergetrogn, iz di hant fun Hashem geven in der shtot mit zeyer a groiser mehume, un er hot geplogt di mentshn fun der shtot fun klein biz grois, un es hobn oisgebrachn bai zei blotern. 10 hobn zei avekgeshikt dem orn fun HaElokim kein Ekron.

un es iz geven, vi der orn fun HaElokim iz ongekumen kein Ekron, hobn di Ekroner geshrien, azoi tsu zogn: me hot aribergebracht tsu mir dem orn fun dem Elokei Yisroel, tsu teitn mich un main folk. 11 un zei hobn geshikt un hobn aingezamlt ale firshtn fun di Pelishtim, un zei hobn gezogt: shikt avek dem orn fun dem Elokei Yisroel, un zol er zich umkeren tsu zain ort, kedei er zol nisht teitn mich un main folk. vorem a toit-mehume iz geven in der gantsn shtot; di hant fun Hashem iz dortn geven zeyer shver. 12 un di mentshn vos zainen nisht geshtorbn, zainen geplogt gevorn mit blotern, un dos geshrei fun der shtot iz aroif bizn himel.