1 un es iz geven, vi er hot geendikt redn tsu Shauln, azoi iz di zel fun Yehonatanen tsugebundn gevorn tsu der zel fun Dovidn, un Yehonatan hot im lib gekrign azoi vi zain eigen zel. 2 un Shaul hot im tsugenumen in yenem tog, un hot im nisht gelozt zich umkeren tsu zain foters hoiz. 3 un Yehonatan hot geshlosn a bris mit Dovidn, vail er hot im lib gehat vi zain eigen zel. 4 un Yehonatan hot oisgeton dem mantl vos oif zich, un hot im geshonken Dovidn; oich zaine kleider, biz oif zain shverd, un biz oif zain boign, un biz oif zain gartel.

5 un az Dovid iz aroisgegangen, iz, vu Shaul flegt im shikn, flegt er baglikn. un Shaul hot im oifgezetst iber di milchome-lait; un er iz voilgefeln in di oign fun gantsn folk, un oich in di oign fun Shauls knecht.

6 un es iz geven, bai zeyer onkumen, az Dovid hot zich umgekert fun shlogn dem Pelishti, zainen aroisgegangen di vaiber fun ale shtet fun Yisroel mit gezang un tents antkegen dem melech Shauln, mit poikn, mit simche, un mit tsimblen. 7 un di vaiber di shpilerins hobn gezungen un gezogt:

Shaul hot geshlogn in zaine toizntn,

un Dovid in zaine tsentoizntn.

8 hot Shauln zeyer gebrent, un dos dozike gereid iz geven shlecht in zaine oign, un er hot gezogt: Dovidn hobn zei gegebn di tsentoizntn, un mir hobn zei gegebn di toizntn, un im felt noch bloiz di meluche. 9 un Shaul hot gekukt krum oif Dovidn fun yenem tog un vaiter.

10 un es iz geven oif morgn, iz a beizer gaist fun Elokim gekumen oif Shauln, un er hot in hoiz nevies gezogt, un Dovid hot geshpilt mit zain hant azoi vi tog in tog, un in Shauls hant iz geven der shpiz. 11 hot Shaul a vorf geton dem shpiz, un er hot geklert: ich vel durchshtechn Dovidn biz in vant. ober Dovid hot zich opgedreit fun im tsvei mol.

12 un Shaul hot moire gehat far Dovidn, vorem Hashem iz geven mit im, un fun Shauln hot er zich opgeton. 13 un Shaul hot im opgeton fun zich, un im gemacht far a hoiptman fun toiznt, un er iz gegangen un gekumen dem folk farois. 14 un Dovid hot baglikt in ale zaine vegen, un Hashem iz geven mit im. 15 un Shaul hot gezen az er baglikt zeyer, un er hot zich geshrokn far im. 16 ober gants Yisroel un Yehudah hot lib gehat Dovidn, vorem er flegt gein un kumen zei farois.

17 un Shaul hot gezogt tsu Dovidn: ot iz main eltere tochter Merav; zi vel ich dir gebn far a vaib, ober zai mir a heldisher yung, un fir di milchomes fun Hashem. vorem Shaul hot geklert: zol nisht main hant zain oif im, naiert di hant fun di Pelishtim zol zain oif im. 18 hot Dovid gezogt tsu Shauln: ver bin ich? un vos iz main lebn, oder main foters mishpoche in Yisroel, az ich zol vern an eidem baim melech?

19 ober es iz geven, beeis me hot gezolt gebn Merav di tochter fun Shauln tsu Dovidn, iz zi avekgegebn gevorn tsu Adrieln fun Machlah far a vaib.

20 un Michal di tochter fun Shauln hot lib gehat Dovidn; hot men dertseilt Shauln, un di zach iz voilgefeln in zaine oign. 21 un Shaul hot geklert: ich vil zi im gebn, kedei zi zol im zain far a shtroichlung, un di hant fun di Pelishtim zol zain oif im. un Shaul hot gezogt tsu Dovidn: vest haint vern main eidem mit der tsveiter.

22 un Shaul hot bafoiln zaine knecht: redt tsu Dovidn shtilerheit, azoi tsu zogn: ze, der melech vil dich, un ale zaine knecht hobn dich lib, to ver atsund dem melechs eidem.

23 hobn Shauls knecht geredt in di oiern fun Dovidn di dozike verter. un Dovid hot gezogt: gring in aiere oign tsu vern dem melechs eidem, az ich bin an oreman un gringgeshatst?

24 hobn di knecht fun Shauln im dertseilt, azoi tsu zogn: azoi vi di dozike verter hot Dovid geredt. 25 hot Shaul gezogt: azoi zolt ir zogn tsu Dovidn: der melech vil nisht kein nadn, naiert hundert forhoitn fun di Pelishtim, zich noikem tsu zain on dem melechs faint. un Shaul hot gerechnt tsu machn faln Dovidn durch der hant fun di Pelishtim.

26 hobn zaine knecht dertseilt Dovidn di dozike verter, un di zach iz voilgefeln in di oign fun Dovidn, tsu vern dem melechs eidem. un di teg zainen noch tsu mol nisht derfilt gevorn, 27 iz Dovid oifgeshtanen un iz avekgegangen, er mit zaine mentshn, un er hot geshlogn fun di Pelishtim tsvei hundert man. un Dovid hot gebracht zeyere forhoitn, un me hot zei ibergegebn farful tsum melech, kedei er zol vern dem melechs eidem. un Shaul hot im gegebn zain tochter Michalen far a vaib.

28 un Shaul hot gezen un farshtanen az Hashem iz mit Dovidn. un Michal di tochter fun Shauln hot im lib gehat. 29 un Shaul hot noch mer moire gekrign far Dovidn. un Shaul iz geven Dovidn a soine ale teg.

30 un di harn fun di Pelishtim flegn aroisgein; un es iz geven, ven nor zei zainen aroisgegangen, hot Dovid baglikt mer fun ale knecht fun Shauln, un zain nomen iz geven zeyer geacht.