1 di shprichverter fun Shlomo dem zun fun Dovidn, dem melech fun Yisroel;

2 kedei tsu visen chochme un musar,

tsu farshtein di verter fun farshtandikeit;

3 tsu nemen dem musar fun klugshaft,

gerechtikeit un recht un yoisher;

4 tsu gebn di narn geshaitkeit,

dem yungn kenshaft un gedanken;

5 der chochem zol hern un mern lernung,

un der farshtandiker zol krign tachbulos;

6 tsu farshtein a shprichvort un a melitse,

di verter fun di chachomim un zeyere retenishn.

7 der onheib fun kenshaft iz moire far Hashem,

ober di narn farachten chochme un musar.

8 her tsu, main zun, dem musar fun dain foter,

un zolst nisht farlozen di ler fun dain muter;

9 vorem a krants fun chein veln zei zain far dain kop,

un haldzbender far dain haldz.

10 main zun, az di zindike veln dich onredn,

zolstu nisht ainvilikn.

11 az zei veln zogn: kum mit undz!

lomir loiern oif blut,

lomir lakern oifn umshuldikn far umzist;

12 lomir zei ainshlingen lebedikerheit vi di Sheol,

un gantserheit vi di vos nidern in grub;

13 alerlei taiere guts veln mir gefinen,

mir veln onfiln undzer hoiz mit roib;

14 vorf dain goirl tsvishn undz,

ein baitl vet zain bai undz alemen;

15 zolstu nisht gein, main zun, mit zei in veg,

farmaid dain fus fun zeyer shteg.

16 vorem zeyere fis loifn tsu beiz,

un zei ailn tsu fargisen blut.

17 vorem far umzist iz oisgeshpreit di nets,

in di oign fun ale gefliglte,

18 beeis me loiert oif zeyer blut,

me lokert oif zeyere lebns.

19 azoi zainen di vegen fun itlechn vos iz gaitsik noch roib;

es nemt avek dos lebn fun dem vos hot es.

20 di chochme shrait oif der gas,

in di merk lozt zi arois ir kol;

21 in ek fun roishike gasn ruft zi,

bai di toieraingangen,

in shtot, redt zi ire reid:

22 biz vanen, ir farnarte, vet ir lib hobn narishkeit,

un di shpeter veln zich glustn geshpet,

un di narn veln faint hobn visen?

23 kert aich tsu main musar,

ot vel ich oisgisen main gaist tsu aich,

ich vel aich machn visen maine verter.

24 vail ich hob gerufn, un ir hot nisht gevolt,

oisgeshtrekt main hant, un keiner hot nisht farnumen,

25 nor ir hot gemacht tsu nisht main yetveder eitse,

un main musar hot ir nisht gevolt,

26 vel ich oich lachn oif aier broch,

ich vel shpetn ven aier shrek vet kumen;

27 ven es kumt vi a geviter aier shrek,

un aier broch vet vi a shturemvint onkumen;

ven es kumt oif aich noit un angst.

28 dentsmol veln zei mich rufn, un ich vel nisht entfern,

zei veln mich zuchn, un veln mich nisht gefinen.

29 derfar vos zei hobn faint gehat visen,

un moire far Hashem nisht oisgeveilt;

30 nisht aingevilikt tsu main eitse,

faracht main gantsn musar.

31 derum veln zei esen fun der frucht fun zeyer veg,

un mit zeyere etsut zich zetn.

32 vorem di opkerung fun di farnarte vet zei hargen,

un di shalve fun di narn vet zei unterbrengen.

33 ober der vos hert mir tsu vet voinen in zicherkeit,

un barut zain fun shrek far beiz.