Ufaru 1

20 A̱vu A̱sula̱ a damma, <<Lyawa ɗolu shiwan ni ili i wuma, a̱vu waru nnunu mu 'yawan zuva icu’un icu’un.>> 21 A̱vu A̱sula̱ a yuwan ili i gbagbain a mala, ni ili i wuma a̱ ma̱zungwa̱, aza a na a matsain a̱ mini pere icu’un icu’un, nnunu n tsu’yan waru icu’un icu’un. A̱vu A̱sula̱ e ene u lobono ta̱. 22 A̱vu A̱sula̱ a zuwaa le aba’un, adansa, <<I yuwan a̱bunda̱ lon, i shiton mala. Nnunu waru, i shiton uvaɗi.>> 23 A̱vu wo o’wo ulivu nu usana, urana wa tawun. 24 Reve A̱sula̱ a damma, <<Lyawa iɗa yu uta̱a̱ ni ili i wuma, suru nle no oroci e le: inama yu u’wa, ni inama yu una, ni inama yi ika̱ta̱pu.>> Ne ɗa wo o’woi.