Imbelele Yakasweekede
1 15:1 Luka 5:29-30. Bumwi buzuba basimutelo banji abasizibi bamwi bakabunganina Jesu kuteegwa bazooswiilizye kwiisya kwakwe. 2 Bafalisi abamayi bo Mulawo bakatalika kutongooka kabateeti, "Ooyu muntu utambula basizibi okulyaabo!" 3 Mpoonyina Jesu wakabapa cikozyanyo eeci, 4 "Na umwi muntu kajesi mbelele zili mwaanda mpoonyina yomwi yasweeka, ino inga wacita nzi? Ede inga wasiya zili makumi aalifuka efuka musaka okwiinka kuyooyandoola eeyo yomwi isweekede mane kusikila akiijane. 5 Aijana ulabotelwa loko, okwiisempula. 6 Mpoonyina aitola kungʼanda, uyooita beenzinyina antoomwi ambabambenaabo okubaambila kuteeti, ‘Atusekelele antoomwi, kaambo ndaijana mbelele yangu yasweekede.’ 7 Ndimwaambila kuteeti, mboonyina namu okujulu kulaba kusekelela loko kaambo kasizibi omwi wasanduka kwiinda baluleme bali makumi aalifuka efuka batayandiki kusanduka.