Lucas 17

Jesu Waponya Basizinsenda Bali Kumi

11 Iino Jesu naali mumusinzo woku Jelusalemu, wakainda mumunyinza wa Samaliya o Galileya. 12 Naalikunjila mumunzi umwi, basizinsenda bali kumi bakeza kulinguwe okwiimina aleele, 13 okoongolola kabateeti, "Jesu! Simalelo! Tufwide mangʼeke!"

14 ✝ 17:14 Levitiko 14:1-32. Jesu naakababona wakateeti kulibo, "Kamuya ku Ngʼanda ya Leza kubapaizi bakaakubone kuteeti mwapona."

Kumane bakaponisigwa kabayoobuya. 15 Umwi wabo naakabona kuteeti wapona, wakapiluka kuli Jesu kalumbaizya Leza ejwi pati. 16 Naakasika wakaavuntamina Jesu okumulumba. Mwaalumi ooyu wali muna Samaliya. 17 Mpoonyina Jesu wakateeti, "Ede kwaponesegwa bali kumi. Ino bali fuka bali kuli? 18 Kaambo nzi nikwapiluka feela wamasi ooyu kuzoolumba Leza?" 19 Mpoonyina Jesu wakateeti kulinguwe, "Nyamuka, koya. Lusyomo lwako lwakuponya."