18 Bumwi buzuba, umwi musololi waba Juda wakabuzya Jesu kuteeti, "Omwiiyi mubotu, ino ndeelede kucita nzi kuteeti nditambule buumi butamani?"
19 Jesu wakamutaba kuteeti, "Ino niinzi nondiita kuteeti mubotu? Taakwe muntu mubotu aati feela Leza. 20 18:20 Kulonga 20:14; Detilonomo 5:18; Kulonga 20:13; Detilonomo 5:17; Kulonga 20:15; Detilonomo 5:19; Kulonga 20:16; Detilonomo 5:20; Kulonga 20:12; Detilonomo 5:16.Ede uliizi milawo, ‘Utajayi, utaciti bumambe, utabbi, utabejekezyi umwi, utabeji, kuteka bauso abanyoko.’"
21 Mwaalumi ooyu wakataba kuteeti, "Yoonse eeyi milawo ndakaicilizya kuzwa kubwana."
22 Mpoonyina Jesu naakamvwa namu wakamwaambila kuteeti, "Kucili cintu comwi coelede kucita. Uuzye zintu zyako zyoonse, mpoonyina mali ukape bapengede, notikabe obuvubi kujulu. Wazwaawo uze undicilile." 23 Kono ooyu mwaalumi naakamvwa namu wakausa loko, kaambo walivubide loko ape taalikuyanda kubupa buvubi bwakwe.
24 Jesu naakabona kuteeti ooyu mwaalumi wausa18:24 Malembo amwi taajesi bulembo bokuteeti "wausa." wakateeti, "Ciyumu loko kubantu bavubide kuyoonjila mu Bwami bwa Leza. 25 Nconzyo cintu cuuba nkamela kwiinda muliinso lyendonga, kwiinda muntu uvubide kunjila mu Bwami bwa Leza."
26 Mpoonyina bantu bakamumvwa bakabuzya kuteeti, "Ino mpoonyina ngwani ukonzya kufutulwa?"
27 Jesu wakataba kuteeti, "Citakonzyeki kubantu, kuli Leza cilakonzeka."