Lucas 5

Jesu Waita Basikwiiya Bakwe Bokusaanguna

1 ✝ 5:1 Mateyo 13:1-2; Maako 3:9-10; 4:1. Bumwi buzuba Jesu kaimvwi ankomwe yo lwizi lwa Genasaleti,*5:1 Genaseleti, ndizina limwi lyo lwizi lwa Galileya. bantu banji balikusyanikizyanya kabaswena kulinguwe kuteegwa bamvwe majwaa Leza. 2 Jesu wakabona migolo yobile yalaambali olwizi. Basikuzuba baliiside kabayoosanzya tunyandi twabo. 3 Mpoonyina Jesu wakanjila mumugolo umwi wali wa Saimoni okumukumbila kuteeti autontele mumaanzi aniini. Kumane Jesu wakakala mumugolo okwiisya mbunga.

4 Naakamana kwiisya, wakateeti kuli Saimoni, "Tontela mugolo mumaanzi malamfu kuteegwa yebo abeenzinyoko musowele tunyandi twenu mumaanzi mujate nswi."

5 ✝ 5:5 Joni 21:3. Mpoonyina Saimoni wakateeti, "O mwami, twabeleka cenguzu busiku boonse kusola kujata nswi kono taakwe citwajata naanga comwi. Kono kaambo waamba, ndilacita mboonya namu." 6 ✝5:6 Joni 21:6.Nibakacita namu bakaca nswi zinji loko, mane tunyandi twakatalika kuyawooka. 7 Bakacita kukobeta beenzinyina bali mumugolo umwi kuteegwa bazoobagwasye. Bakeza okuzuzya migolo yobile mane yalikuyanda kubbila. 8 Saimoni Pita naakabona cakacitika, wakafugama kunembo lya Jesu okuteeti, "Mwami ndisiya! Ndilisimucita zibi!"

9 Saimoni wakaamba namu kaambo we abeenzinyina bakakomokwa loko obunji bwe nswi zibakajata. 10 Beenzinyina Saimoni bene Jemusi o Joni bana ba Zebbediya abo bakakomokwa. Kono Jesu wakateeti kuli Saimoni, "Utayoowi, kuzwa sunu unooli muzubi wabantu."

11 Kuzwaawo bakakwelela migolo yabo anze amaanzi mpoonyina bakasiya zyoonse okumucilila.