1 Marigina Alatalaa Niina n yi,

bayo Alatala bata n sugandi,

a n xa Xibaru Faɲin nali yiigelitɔne ma,

a bata n nasiga

a n xa muxu bɔɲɛ kalaxine mali,

a n xa xɔrɔya feen kawandin ba suxu muxune xa,

e nun kasorasane beɲin fena.

2 N yi Alatalaa hinan ɲɛɛna fe rali

e nun en ma Ala gbeeɲɔxɔ lɔxɔna,

alogo n xa muxu sunuxine madɛndɛn,

3 naxanye wugama Siyon taani,

n yi ne ralimaniya.

Benun e xa xuben sa e xunni sununi,

n yi mangaya kɔmɔti faɲin so e xun na,

n sɛwa turen sa e xunni

benun a xa findi sunun na,

n tantun dugin nagodo e ma

benun a xa findi xaxili kalan na,

alogo muxune xa a fala e ma misaala ra

fa fala muxu tinxinxine alo warine,

Alatala muxun naxanye rasabatixi

alogo a binyen xa makɛnɛn.