Kengeleni na Bafundisha ba mafunde na Bafalise
1 Elo Yesu aebele amabumba ya bantu na basambi bakwe 2 ati, "Bakafundisha bamafunde na Bafalise balikwatapo insambu shakulondolola amafunde yakwa Mose. 3 Ekyo mulingile ukumfwa no kukita fyonse fyo bakomisambilisha. Nomba mwile kupashanya ifikitwa fyabo pantu tabakonka ifyo basambilisha. 4 Bakakila abanabo ifipe ifyakulema sana pa mabeya, nomba bena tebakwesha no kwikatako nangu munwe umo. 5 Bakita fyonse pa kubonwa ku bantu. Baikakila no tupande twa malembo tumo uto bafwala pa mpumi na pa maboko. Elo ne nsenkebele sha nsalu shabo shakuleepa! 6 Balitemwa ifipuna fya bukindami mu ma Sinagoge ne nkende sha bune mu mitebeto. 7 Kabili balitemenwepo ukule kubaposha no mukinshi mu fisankano no kule kubakuuta ati, ‘Kafundisha.’