MATEYO 3

Yowane kabatisha

1 Muli sho nshiku Yowane kabatisha alishile mu kiswebebe kya mu Yudea akobila ati, 2 "Lapileni pantu Bufumu bwa mwiulu bulipalamine" 3 Ni ulya wine kasesema Isaya alandilepo ati,

"Ishiwi likobilikisha mu kiswebebe likoeba ati,

‘Pekanyeni umwakupita Shikulu,

olololeni nshila shakwe!’ "

4 Yowane ali kufwala umwingila wapangilwe na masako ya ngamali no mushipi wa mpapa mu musana. Makanta no buki efyo ali kulya. 5 Abekashi ba mu Yelusalemu na mu Yudea monse na kumukulo wa nika ya Yodani baile kuli ena. 6 Bali kuisosela imembu shabo no kule kubatishiwa mu nika ya Yodani.