19 "Mwile kututila fyuma fyenu pesonde, apo impese ne ndalabwa fingonaula kabili apo abang’o ba pantula no kwiba. 20 Tutileni fyuma mwiulu umo impese, ne ndalabwa shita ngonaula, umo na bang’o tabangatibula no kwiba. 21 Pantu ukuli ikyuma kyobe ekuba no mutima obe.
Ulubuuto lwa mubili
(Luka11.34-36)
22 "Ilinso e musaniko wa mubili, amenso yobe nga yali umutende, umubili onse ukesulamo ulubuuto. 23 Nomba amenso nga tayali bwino, umubili onse ukaba mu mfinshi. Ekyo ulubuuto muli mwebo ngalwali ni mfinshi, iyo mfinshi kuti yaba ikulu sana!"
Lesa ne fyuma
(Luka16.13; 12.22-31)
24 "Tapalipo engabombela imfumu shibili, kuti apatapo imo no kutemwapo imbi, nangula ukuipelesha kuli imo no kufuupula iinakwe. Teti mubombele Lesa ne ndalama pa kashita kamo kene."