Mmaraisi i Anyanya Kubarara Iso
9 Si mibo i karɔ̃ ga i Bosate mi Ɣaa to ɔtã mi ame ne, midaasore anyanya kubarara gɔ i nɖebi maturi to mabara i mmɔ. 10 Mi kuwɛ̃ daasu ɔ̃ ɔbibirɛrɛĩ ɣee ɔbibirɔ̃gomi ɔsɔrɛ lɛ isɔrɛ i ɔtɔ ame i mi ndɛ̃. Ngbɔ ame si midaabara sibɔipɛ ɣee awara gu akparĩ karɔ̃ iɖi gu kabuɛ ku wã igbã. 11 Midabara kanyaipia ɣee kpise ikpere ara ɣee siwarã ikpere fiɛ kuwɛ̃ daaɖi sise i kpise kanya. 12 Ɔrere wɔ nsɛ ɔbara ara wagbe ne, anyanyara aɖe atãBosate. Ala anyanyara wagbe ɔso i Bosate mi Ɣaa to ɔ̃asa nɖebi mɛmɔ maturi ɔɖi i mi katɔ̃ ne.