Ɔraɖui Isasa Ɖeakatɔ̃ Gu Ikaweova Itã
1 Ne Mose ɔɣere Israel kaɖe ana sɔ: Si miɔbo i karɔ̃ ga i Bosate mi Ɣaa to ɔba ɔ̃asu ɔtã mi lɛ kaɖekɔ̃ fiɛ miɔfɔ kã fiɛ ka misi i kã iso ne, 2 misu siraɖui ɔɖuɖu dzɛ miapia i karɔ̃ ga i Bosate mi Ɣaa to ɔtã mi iso abi ɖeakatɔ̃ awɛ̃ mipia i kasɛsɛ ame. Iyɔ si mikɛlɛ kakɔi kawɛ̃ ga i Bosate mi Ɣaa to ɔ̃aɖi lɛ ɔ̃ Iyere kawekɔ̃. 5 Iyɔ aato aaɣɛ i Bosate fɔ Ɣaa anɔ sɔ, "Wũ ɔse ɔɖe Aramse wɔ lowe ɔla ɔ̃ɔkiki. Ne ka ɔso ɔkɛlɛ ɔsɛ ɔ̃ɔsɛ i Egipte karɔ̃ iso. Maturi kɛkɛĩ maɖe ne masɛ i mmɔ, ne makpese maturi ma losi gu kaɖe ga lowe ɔle gbaã. 10 O Bosate kiniɔ ne, losu ɔraɖui ɖeakatɔ̃ wɔ lona i fɔ karɔ̃ ga atã me ame lobɔ-ɔ." Su kasɛsɛ sɛ i Bosate fɔ Ɣaa anɔ si asumu wũ. 11 Iyɔ ne mi gu ma Levise gu mafɔ ma mpia i mi kɔrɛ, aana isoɣɔ i ara sɛɛ wa i Bosate mi Ɣaa ɔtã mi gu fɔ iyomaturi.