Kusɛkusɛ Ala Kuwarɛ Ɔso
1 Mose ɔɣere Israel mabi sɔ: Si miwarɛ Bosate mi Ɣaa kukaakɔ fiɛ misiai ɔ̃ mmara ɔɖuɖu mɛ lotã mi nɔme kukaakɔ ne, Bosate mi Ɣaa to ɔ̃atara mi ɔsia i kakɔlɛkɔ̃ miɖo nɖebi ɔɖuɖu i karɔ̃ iso. 2 Si miwarɛ Bosate mi Ɣaa ne, kusɛkusɛ ɔɖuɖu gɔgbe aaba i mi iso fiɛ kuasiai mi:
11 Bosate to ɔ̃atã mi ara sɛɛ gbodzoo, miɣe mabi ɔsi fiɛ miana araɖea gbodzoo i karɔ̃ iso gu mabɔi abi gbodzoo ana, i karɔ̃ ga ɔkã ndamu ɔtã mi mawa sɔ ɔ̃atã mi.
12 Bosate to ɔ̃abusi kato gu ɔ̃ ara gbodzoo iyo fiɛ ɔ̃asese kado ɔpɛ ɔfere i karɔ̃ iso i ɔwi iso. Ɔto ɔ̃afere kusɛkusɛ i mi nrɔɔ̃ ame karabara ɔɖuɖu iso. Mito mianyɛ ara mitã nɖebi gbodzoo maturi fiɛ miibawãnyi kuira i kuwɛ̃ kɔrɛ.
23 Kuɖokpo gɔ i mi kato to kuabara lɛ ayiwa loɣa afɔ kato fiɛ karɔ̃ to kaakore lɛ ibɔrakpinaa awe. 24 Bosate to ɔ̃atã kado wɔ loapɛ i mi karɔ̃ iso ɔkpese ɔsebu gu iwarĩ; ato aapɛ abɔrɛ i kuɖokpo gbɔgbɔɔgbɔ miawɔ.