11 Minyɔ kukaakɔ sɔ miibaɣara Bosate mi Ɣaa. Midaasɛ̃ sɔ miibawarɛ ɔ̃ mmaraisi, ɔ̃ mmara gu ɔ̃ asɛ̃ra ara wa nto lotã mi nɔme. 12 Si iiɖe ngbɔ ne si miɖe fiɛ miɔmi ne, si miɔtsue ayo sɛɛ ka misi ne, 13 si mi manantsuĩ gu masɛrɛ ɔmɔ masi fiɛ mi sikãfudza gu sikãrɛtɛa ɔɣe sisia fiɛ nwa ɔɖuɖu miba ɔɔɣe asia ne, 14 iyɔ mi ɔtu to ɔ̃akɔlɛ so kato iyɔ miaɣara Bosate mi Ɣaa. Nwɔ loɖi mi ɔbɔrɛgu i Egipte karɔ̃ iso ngbegɔ miɖe masande. 17 Mito miaɣere so sɔ, "Wũ iwobara gu wũ mɔmɔ ɔle lotã lona ara wagbe." 18 Ɣɛɛ nyigi Bosate fɔ Ɣaa, ala ɔ̃ nsɛ ɔtã-ɔ ɔle fiɛ asɛ awo ara ɔbara akpese ranase. Ɔbara ngbɔ ɔsu ɔsiaita i ɔ̃ ndamu mɛ ɔkã ɔtã mi mawa lɛ ise nɔme.
Publicidade