Moang na awaifoi
1 Nehu kaisungne wau, wiro aromuporo nehu kaiwo aunau ne fanai,
tuti enemurorongwai dewawu nehu kaiwo ohong kaririane,
2 weo na ne tonanane, nemu fuinane ambori dawaroi, donio wau munohi barang wairoi,
kontai wau ambori munohi na mai.
3 Dohonao enemuwawuwa tuti enemurorong pepayawai unai weru waufe!
Tata suru we raori na ramukanangwai tuti woi suru na enemurorongwai.
4 Ampefe Allai tuti inontarai nesa ambori etato wau na euremi reafo,
tuti emirising we wau.3:4 Luk. 2:52.
5 Roaso Yahwei na enemurorongwai sentenang,
tuti wiro boparanding mantaung wau boitawangnafo fanai.
6 ButangNi we wiwiaing wau tuti Da foni wau,
ambori Deinawi rangbo mimoyafoi we wau.
7 Dohonao boparanding nemu awaine fanai,
wape roaso Yahwei tuti womi wei terai, tuti wiro nari karira fanai.3:7 Rm. 12:16.
8 Weo fi nanai ambori niari nemu taraiwai denteng,
tuti niari nemu neinane mutubaru.