Kaiwo fiai we wiwing mano dentengfoi
10 Wiwing mano dentengfoi mandoni dino sobui ne?
I mani ne harga dedai sewa weru kamiei ne harga dedainei.
13 I niari ansung we maninggapoifo tuti danunangfo,
tuti miaya we niari fi nanai na warangfo.
14 I netarai toyario kapario kia fianggeng na wairoi ma,
i kia fiangfo ma.
15 Aharorong mani doa kawurua,
meinenang fiang we ne munurorongfo,
tuti deto we mangfata wiwingfosa ene fi erufo.
16 Kawurua enetituai nariaifa, mayeai wiori kahofao miaya weafo,
tuti niari romi angguri na doi sobuai na yufi fo.
17 I meinenang netaraifoi
i mani wiwingno yufi mambiriu dine.
18 Deitawanai weo fio niarifo mani ambori dohong fianggeng bitoya wei,
ampefe ne padamarangfoi denggararu pampang na dirufo we yufi.
20 Warangfo we fiata inontarai mano tahatawanifoi,
tuti suba warangfo we inontarai mano ne pari fi foi.
24 I niari ansung tuti waikapuru
mayeai dewayangnai we mantawayang fosa.