उत्पत्ति 11

5 जिब माणस नगर अर मीनार बणाण लाग्गे; फेर यहोवा उननै देखण खात्तर उतर आया। 6 अर यहोवा नै कह्या, "मै के देक्खूँ सूं, के सारे एक ए दल के सैं अर भाषा भी उन सारया की एक सी सै, अर उननै इसाए काम भी शरु करया; अर इब जो कुछ वे करण की कोशिश करैगें, उसतै कुछ भी उनकै खात्तर मुश्किल न्ही होगा। 7 इस करकै आओ, हम उतरकै उनकी भाषा म्ह गड़बड़ी गेरां, ताके वे एक दुसरे की बोल्‍ली नै न्ही समझ सकै।" 8 इस तरियां यहोवा नै उन ताहीं ओड़ै तै सारी धरती पै फैला दिया; अर उननै उस नगर का बणाणा छोड़ दिया। 9 इस कारण उस नगर का नाम बाबेल पड़या; क्यूँके सारी धरती की भाषा म्ह जो गड़बड़ी सै, वा यहोवा नै ओड़ैए करी, अर ओड़ै तै यहोवा नै माणसां ताहीं सारी धरती पै फैला दिया।