याद कराण आळी झाल्लर
37 फेर यहोवा नै मूसा तै कह्या, 38 "इस्राएलियाँ तै कह, के अपणी पीढ़ी-पीढ़ी म्ह अपणे कपड़यां कै सिरे पै झालर लगाया करियो, अर एक-एक सिरे की झालर पै एक नीला फीत्ता लगाया करियो; 39 अर वो थारै खात्तर इसी झालर ठहरै, जिसतै जिब-जिब थम उस ताहीं देक्खो तब-तब यहोवा के सारे हुकम थारै ताहीं याद आ जावैं; अर थम उनका पालन करो, अर थम अपणे-अपणे मन अर अपणी-अपणी निगांह कै बस म्ह होकै व्यभिचार न्ही करदे फिरो जिस तरियां करदे आये हो। 40 पर थम यहोवा के सारे हुकमां नै याद करकै उनका पालन करो, अर अपणे परमेसवर कै खात्तर पवित्र बणो। 41 मै यहोवा थारा परमेसवर सूं, जो थमनै मिस्र देश तै लिकाड़ ले आया के थारा परमेसवर ठहरूँ; मै थारा परमेसवर यहोवा सूं।"