1 "फेर सातमै महिन्‍ने कै पैहल्ड़े दिन म्ह थारी पवित्र सभा हो; उस म्ह मेहनत का कोए काम ना करियो। वो थारै खात्तर जयजयकार का नरसिंगा बजाण का दिन ठहरया सै; 2 थम होमबलि चढ़ाईयो, जिसतै यहोवा कै खात्तर सुखदायक सुगन्ध हो; यानिके एक बाछड़ा, एक मिंढा, अर एक-एक साल के सात बेकसूर भेड़ के नर बच्‍चे; 3 अर उनका अन्‍नबलि तेल तै सणे होए मैद्दे का हो; यानिके बाछड़े कै गेल्या एपा का तीन दसमां अंश, अर मिंढे कै गेल्या एपा का दसमां अंश, 4 अर सात्तु भेड़ कै बच्यां म्ह तै एक-एक बच्‍चे कै गेल्या एपा का दसमां हिस्सा मैद्दा चढ़ाईयो। 5 अर एक बकरा भी पापबलि करकै चढ़ाईयो, जिसतै थारै खात्तर प्रायश्चित हो। 6 इन सारया तै घणा नये चाँद का होमबलि अर उसका अन्‍नबलि, अर हर रोज होमबलि अर उसका अन्‍नबलि, अर उन सारया के अर्घ भी उनके नियम कै मुताबिक सुखदायक सुगन्ध देण कै खात्तर यहोवा के हव्य करकै चढ़ाईयो।"

7 "फेर उस्से सातमै महिन्‍ने के दसवें दिन तक थारी पवित्र सभा हो; थम उपवास करकै अपणी-अपणी जान नै दुख दियो, अर किसे ढाळ का काम-काज ना करियो; 8 अर यहोवा कै खात्तर सुखदायक सुगन्ध देण नै होमबलि; यानिके एक बाछड़ा, एक मिंढा, अर एक-एक साल के सात भेड़ के नर बच्‍चे चढ़ाईयो; फेर ये सारे बेकसूर हों; 9 अर उनका अन्‍नबलि तेल तै सणे होए मैद्दे का हो; यानिके बाछड़े कै गेल्या एपा का तीन दसमां अंश, अर मिंढे कै गेल्या एपा का दो दसमां हिस्सा, 10 अर सात्तु भेड़ कै बच्यां म्ह तै एक-एक बच्‍चे कै पाच्छै एपा का दसमां हिस्सा मैद्दा चढ़ाईयो। 11 अर पापबलि कै खात्तर एक बकरा भी चढ़ाणा; ये सारे प्रायश्चित के पापबलि अर हर रोज होमबलि अर उसकै अन्‍नबलि के, अर उन सारया कै अर्घों के अलावा चढ़ाए जावैं।"

12 "फेर सातमै महिन्‍ने के पन्द्रहवें दिन तक थारी पवित्र सभा हो; अर उस म्ह मेहनत का कोए काम ना करियो, अर सात दिन तक यहोवा कै खात्तर त्यौहार मानियो; 13 थम होमबलि यहोवा नै सुखदायक सुगन्ध देण कै खात्तर हव्य करकै चढ़ाणा; यानिके तेरह बाछड़े, अर दो मिंढे, अर एक-एक साल कै चौदहा भेड़ कै नर बच्‍चे; ये सारे बेकसूर हों; 14 अर उनका अन्‍नबलि तेल तै सणे होए मैद्दे का हो; यानिके तेरह बाछड़यां म्ह तै एक-एक बाछड़े कै गेल्या एपा का तीन दसमां अंश, अर दोन्‍नु मिंढयाँ म्ह तै एक-एक मिंढे कै गेल्या एपा का दो दसमां अंश, 15 अर चौदहा भेड़ कै बच्यां म्ह तै एक-एक बच्‍चे कै गेल्या एपा का दसमां हिस्सा मैद्दा चढ़ाणा। 16 अर पापबलि कै खात्तर एक बकरा भी चढ़ाणा; ये हर रोज होमबलि अर उसके अन्‍नबलि अर अर्घ कै अलावा चढ़ाए जावैं।"

17 "फेर दुसरे दिन बारहा बाछड़े, अर दो मिंढे, अर एक-एक साल कै चौदहा बेकसूर भेड़ कै नर बच्‍चे चढ़ाईयो; 18 अर बाछड़यां, अर मिंढयाँ, अर भेड़ के बच्यां कै गेल्या उनके अन्‍नबलि अर अर्घ, उनकी गिणती कै मुताबिक, अर नियम कै मुताबिक चढ़ाईयो। 19 अर पापबलि कै खात्तर एक बकरा भी चढ़ाणा; ये हर रोज होमबलि अर उसकै अन्‍नबलि अर अर्घ कै अलावा चढ़ाए जावैं।"

20 "फेर तीसरे दिन ग्यारह बाछड़े, अर दो मिंढे, अर एक-एक साल कै चौदहा बेकसूर भेड़ के नर बच्‍चे चढ़ाईयो; 21 अर बाछड़यां, अर मिंढयाँ, अर भेड़ के बच्यां कै गेल्या उनके अन्‍नबलि अर अर्घ, उनकी गिणती कै मुताबिक, अर नियम कै मुताबिक चढ़ाणा। 22 अर पापबलि कै खात्तर एक बकरा भी चढ़ाईयो; ये हर रोज होमबलि अर उसकै अन्‍नबलि अर अर्घ के अलावा चढ़ाए जावैं।"

23 "फेर चौथे दिन दस बाछड़े, अर दो मिंढे, अर एक-एक साल के चौदहा बेकसूर भेड़ के नर बच्‍चे चढ़ाईयो; 24 बाछड़यां, अर मिंढयाँ, अर भेड़ के बच्यां कै गेल्या उनके अन्‍नबलि अर अर्घ, उनकी गिणती कै मुताबिक, अर नियम कै मुताबिक चढ़ाईयो। 25 अर पापबलि कै खात्तर एक बकरा भी चढ़ाईयो; ये हर रोज होमबलि अर उसकै अन्‍नबलि अर अर्घ के अलावा चढ़ाए जावैं।"

26 "फेर पाँचमै दिन के नौ बाछड़े, दो मिंढे, अर एक-एक साल के चौदहा बेकसूर भेड़ के नर बच्‍चे चढ़ाईयो; 27 अर बाछड़याँ, मिंढयाँ, अर भेड़ के बच्यां कै गेल्या उनके अन्‍नबलि अर अर्घ, उनकी गिणती कै मुताबिक, अर नियम कै मुताबिक चढ़ाईयो। 28 अर पापबलि कै खात्तर एक बकरा भी चढ़ाईयो; ये हर रोज होमबलि अर उसकै अन्‍नबलि अर अर्घ के अलावा चढ़ाए जावैं।"

29 "फेर छटमै दिन आठ बाछड़े, अर दो मिंढे, अर एक-एक साल के चौदहा बेकसूर भेड़ के नर बच्‍चे चढ़ाईयो; 30 अर बाछड़यां, अर मिंढयाँ, अर भेड़ के बच्यां कै गेल्या उनके अन्‍नबलि अर अर्घ, उनकी गिणती कै मुताबिक अर नियम कै मुताबिक चढ़ाईयो। 31 अर पापबलि कै खात्तर एक बकरा भी चढ़ाणा; ये हर रोज होमबलि अर उसकै अन्‍नबलि अर अर्घ के अलावा चढ़ाए जावैं।"

32 "फेर सातमै दिन सात बाछड़े, अर दो मिंढे, अर एक-एक साल के चौदहा बेकसूर भेड़ के नर बच्‍चे चढ़ाईयो। 33 अर बाछड़यां, अर मिंढयाँ, अर भेड़ के बच्यां कै गेल्या उनके अन्‍नबलि अर अर्घ, उनकी गिणती कै मुताबिक, अर नियम कै मुताबिक चढ़ाईयो। 34 अर पापबलि कै खात्तर एक बकरा भी चढ़ाईयो; ये हर रोज होमबलि अर उसकै अन्‍नबलि अर अर्घ कै अलावा चढ़ाए जावैं।"

35 "फेर आठवें दिन थारी एक बड़ी सभा हो; उस म्ह मेहनत का कोए काम ना करियो, 36 अर उस म्ह होमबलि यहोवा नै सुखदायक सुगन्ध देण कै खात्तर हव्य करकै चढ़ाणा; वो एक बाछड़े, अर एक मिंढे, अर एक-एक साल के सात बेकसूर भेड़ के नर बच्यां का हो; 37 बाछड़े, अर मिंढे, अर भेड़ के बच्यां कै गेल्या उनके अन्‍नबलि अर अर्घ, उनकी गिणती कै मुताबिक, अर नियम कै मुताबिक चढ़ाईयो। 38 अर पापबलि कै खात्तर एक बकरा भी चढ़ाणा; ये हर रोज होमबलि अर उसकै अन्‍नबलि अर अर्घ के अलावा चढ़ाए जावैं।"

39 "अपणी मन्‍नतां अर स्वेच्छा बलियाँ कै अलावा, अपणे-अपणे ठीक बखत म्ह, येए होमबलि, अन्‍नबलि, अर्घ, अर मेलबलि, यहोवा कै खात्तर चढ़ाईयो।" 40 यो सारे हुकम यहोवा नै मूसा तै दिए सै जो उसनै इस्राएलियाँ ताहीं सुणाए।