15 सिर्फ आपणे ई कुएँ रा पाणी पिया करना।

ओर प्यार सिर्फ आपणियां ई लाड़िया साथे करना।

16 जो ल्वाद तुसा खे बगानिया जवाणसा ते मिलणी,

तिजी ते तुसा खे नुकशाण ई ऊणा।

17 आपणियां लाड़िया साथे ई मिले दे रणा,

बगानिया जवाणसा साथे नि।

18 तूँ आपणियां जवानिया री लाड़िया साथे तन्य ओ,

जेसा साथे तैं जवानिया दे ब्या करी राखेया,

19 से तेरिया तँईं प्यारी ईरणी ओर बांकी सांभरनिया जेड़ी ठईरो,

तेसा रे स्तन हमेशा ताखे संतुष्ट राखो,

ओर तूँ तेसा रे प्यारो दे सदा डूबेया रा रओ।

20 ओ मेरे पाऊ, तुँ व्याभिचार करने वाल़ी जवाणसा पाँदे कऊँ मोईत ओ,

ओर बगानी जवाणस तेरिया छातिया साथे कऊँ लगो?