पवित्र रानेरे लेई कुजव गानू
9 "ज़ैखन तू तैस मुल्खे मां पुज़स ज़ै तेरो परमेशर यहोवा तीं देते, तैखन तैट्ठेरे कौमां केरू ज़ेरू भिट्टू कम केरनू न शिख्खा। 10 तीं मां कोई एरहो न भोए ज़ै अपने बच्चन अपने वेदी केरे अग्गी मां भस्म केरतां च़ाढ़ने बालो, या एजने बाले वक्तेरे बारे मां ज़ोने बालो, या शुभ-अशुभ वक्तां केरो मन्नेबाले, या जैदू, या मन्ट्लां ज़ान्ने बालो, 11 या बाजीगर, या जैदू टूनो केरनेबालन करां पुछ़ने बाले, या भूत साधने बालो, या भूतां केरो बींझ़ांने बालो भोए। 12 किजोकि ज़ेत्रे एरां-एरां कम्मां केरतन तैना सब यहोवारे सामने अशुद्ध आन; ते इन्ने भिट्टां कम्मां केरे वजाई सेइं तेरो परमेशर यहोवा तैन्न तेरे सामनेरां कढने पुड़े।