व्यवस्थाविवरण 22:23,24

23 "अगर कोन्ची कुवारी कुइयरे ड्लाहेरी गल च़लोरी भोए, ते कोई होरो मड़द तैस नगरे मां मैलतां तैस सेइं जिसमानी रिश्तो बनाए, 24 त तुस तैन दूईयने तैस नगरेरे फाटकेरे बेइर नेइतां तैन पुड़ घोड़ेईं देइतां तैना मैरी छ़ेडथ, तै कुई त एल्हेरेलेइ कि तै नगरे मां रेइतां भी तैसां चिन्डां न मैरी, ते तै मड़द इस वजाई सेइं कि तैनी पड़ोसेरी कौन्श बेइज़्ज़त कियोरीए; एन्च़रां तू अपने दरमियाने मरां एरी बुराई दूर केरां।