Levítico 15

25 "फिरी अगर कोन्ची कौन्शरो अपने मासिक धर्मेरे पूरे वक्ते करां जादे दिहाड़न तगर खून बगतो राए, या तै ठहरावरे वक्ते करां जादे वक्ते तगर मासिक धर्मे मां राए, त ज़ांतगर तै एरी हालती मां राए तांतगर तै अशुद्ध भोल्ही। 26 तैसेरे मासिक धर्मेरे सब दिहाड़न मां ज़ैस-ज़ैस बिछ़ाने पुड़ तै लेटे तैन सब तैसेरे मासिक धर्मेरे बिछ़ानेरू ज़ेरू भोल्हु; ते ज़ैस-ज़ैस चीज़ी पुड़ तै बिश्शे तैन भी तैसेरे मासिक धर्मे मां रानेरे दिहाड़ना केरू ज़ेरू अशुद्ध रालू। 27 ते ज़ै कोई तैन चीज़न सेइं हुरे तै अशुद्ध ठहरे, एल्हेरेलेइ तै अपने लिगड़न धोइतां पैनी सेइं निहान दे, ते ड्लवझ़ी तगर अशुद्ध रालो।