Dispãrtsãri tu Bisearicã
10 Tora vã acljem, frats sh-surãri, prit numa a Domnului a nostru Isus Hristos, tra si zburãts tuts unã soi shi s-nu aibã dispãrtsãri ntrã voi, ma s-hits tuts deadun pi unã minti sh-cu unã nãeti. 11 Cã nji si featsi cunuscut, frats sh-surãri a melji, di atselji di casa al Cloe, cã ntrã voi ari ngrãnji. 12 Voi s-vã dzãc aestã, cathi unu di voi dzãtsi: "Mini escu al Pavlu", "Mini escu al Apollo", "Mini escu al Chefa", iarã "Mini escu al Hristos." 13 Vahi easti mpãrtsãt Hristolu? Nacã Pavlu s-crutsisi trã voi? Nacã vã pãtidzat tu numa al Pavlu?