Mateus 16

5 Cãndu ucenitsilji a lui agiumsirã tu alantã parti a amariljei, vidzurã cã avea agãrshitã s-ljea pãni. 6 Iarã Isusul lã dzãsi a lor: "Bãgats mintea sh-afirits-vã di maeaua a Fariseilor sh-a Sadutseilor!" 7 Sh-elji s-minduirã un cu-alantu dzãcãnda: "Nu avem loatã pãni." 8 Ma Isusul lji achicãsi sh-lã dzãsi a lor: "Oaminji pisti-putsãn, trã tse zburãts cu un-alantu cã nu avets loat pãni? 9 Nu avets achicãsit ninga sh-nu adutsets aminti tsintsi pãnji ti tsintsi njilji di bãrbats sh-cãti coshuri avets umplutã? 10 Sh-nitsi atseali shapti pãnji ti patru njilji di bãrbats sh-cãti coshuri avets umplut? 11 Cum nu aduchits cã nu eara zborlu ti pãnea cãndu vã dzãshã s-vã afirits di maeaua a Fariseilor sh-a Sadutseilor?" 12 Atumtsea elji aduchirã cã elu nu lã avea dzãsã s-afireascã di maeaua a pãniljei, ma di nvitsãtura a Fariseilor sh-a Sadutseilor.