36 Atumtsea Isusul s-dusi deadun cu nãshi tu un loc, tsi s-acljima Ghetsemani, sh-lã dzãsi a ucenitsilor: "Shidets aoa, iarã mini ma mi duc aclo tra s-mi rog." 37 Sh-lo cu nãsu Petrul sh-doi hiljilji al Zebedeu, sh-apãrnji si nvirineadzã shi s-aibã mari sicleti. 38 Atumtsea elu lã dzãsi a lor: "Suflitlu a meu easti multu nvirinat, pãnã tu moarti. Armãnets aoa shi stats dishtiptat deadun cu mini." 39 Sh-cum s-dusi niheamã ma nãinti, cãdzu cu fatsa pri loc shi s-rugã dzãcãnda: "Tatãl a meu, macã easti putut, dipãrteadz-u di la mini aestã cupã, cu tutã atsea, nu cum voi mini, ma cum vrei tini." 40 Deapoea s-turnã la ucenitsilji sh-lji aflã durnjinda, sh-lji dzãsi al Petru: "Ma cum, nu putut s-vigljeats cu mini macari unã oarã? 41 Stats dishtiptat sh-rugats-vã, s-nu cãdets tu cãrtiri, cã duhlu easti etimu, ma truplu easti niputut." 42 S-dusi a doaua oarã shi s-rugã dzãcãnda: "Tatãl a meu, macã nu easti putut tsi aestã cupã s-fugã di la mini fãrã s-bea di mini, si s-facã vrearea a ta!" 43 Deapoea s-turnã sh-lji aflã nãpoi tsi durnjea, cã ocljilji a lor eara somnusiti. 44 Sh-dupã tsi lã alãsã, s-dusi nãpoi shi s-rugã di-a treia oarã, dzãcãnda idyili zboari. 45 Deapoea s-turnã la ucenitsilji a lui sh-lã dzãsi a lor: "Tora ninga durnjits sh-vã discurmats? Ia vini oara, sh-Hiljiu a Omlui va s-prida tu mãnjili a amãrtioshilor. 46 Sculats-vã, s-nidzem. Ia, atsel tsi ma mi prida easti aproapi."