1 Trã atsea, tora nu ari vãrã condamnã trã atselji cai suntu tu Hristolu Isus, 2 cã legea a Duhlui cai da banã tu Hristolu Isus, nã ascãpã di legea a amãrtiiljei sh-a moartiljei. 3 Cã, tsi eara niputut trã legea, tu atsea tsi eara slab trã itia a truplui, Dumnidzãlu pitricu Hiljiu a lui tu undzearea a truplui amãrtios tra s-hibã amãrtii,* sh-ashã elu condamnã amãrtia tu trup, 4 tsi ndriptatea a legiljei si mplineascã tu noi cai nu imnãm dupã trup, ma dupã Duh.