2 Coríntios 6

4 Riwa ari he ngamba, ikya riwa ki ti, ki ti-u ritu ki ri tsro ri kita ki he wa ndu Izhi nye ki ti nganyi rimi vu sron, ri so yaa, nga ri wanyu; 5 wa tsi ta, wari vu ta tren ri tra tren, wari dru ta kpa ti njon, kiri ran tindu riwa a dzan gbengbren mbu, ki ran kru na ran ri iyon mi bɨrengha; 6 Ri Tsitsri sron, nga ito riwa ki he ri wu, ri vu sron nga ti kya dindi, ki tsro ri kita ki he wa ndu Izhi ri Yu Tsitsri nga nyɨme mbu ri kpunji; 7 Ngha ndu mbu ri kpunji, nga gbengbren Izhi ki he ri dindi ti riwa wawu nye he ka ikpi ku riwa ki ngɨzhi kuwo ri nga kuwo ta. 8 Wa gbre ta nga wari no ta yaa, nga wari ri tre tre ri kpa nde mbu time wa kɨma ta ti wa ti che, ka hu ri ngamba ki ta ki la tre ri kpunji; 9 A he ka wa ran to ta zari ran, ama wa to ta kre. A he ka ki he ri nyu kuu, ama kita ki he ri sii, wa sondu no ta yaa ama wa ran wu ta ran; 10 rimi yaa, ki to fe kya riwa ari no ta kinklan sron, ka hu ri riwa ki ran he ri kyari ran, ama ki no kpanji wa he ri kyawa. A zhu ka kita ki ran he ri kyari ran, ama kongye he wa mbu.