Atos 16

10 Riwa tre Izhi a ye ri Bulus waka chu gbla riwa wa hi Makidoniya, wa ri to a he njajin nye Izhi yo ta ki tre tre wan riwa.

Lidiya a kpa nyɨme Filibi

11 Imba kika gra nvu ima ri Taruwasa, ki ri ban nkon hi ri meme Samutaraki, ri mibreri han wan ki ka gra ri Niyabolis. 12 Mba ki ka hi Filibi ri meme Makidoniya, riwa a he nchon gbu ri bubu wan, igbu nyi a he gbu Romawa nye. Ki ri bubu wan bran.

13 Chachu sonvɨri ki ka hi nkon gbu, ki ri hi nyu ba, ki yo nga bubu ri bre Izhi he. Imba ki ka ku ki, ki ri tre ri mba wawa wa kabru. 14 Iri rimi wawa wa ran wo tre mbu, nde wan a he Lediya, a ran reri tsro, ri gbu Tayatira, a ran hu Izhi. Bachi ka bu sron wan ran wo tre Bulus. 15 Wawu ri wako wan wa ka son wa ri ima, ka ibreta ri,<<Riwa bi kpa nyɨme ri me ri me kpa nyɨme ri Bachi, ye bi ri son ri ko won.>> Imba ka kɨma sron mbu ye ri ngawan.

Bulus mba Sila rimi tra tre nji

16 Ivi ri ki ran hi bubu bre Izhi, ki ka to vɨra ko riwa a he ri bɨzhi riwa ari ya tsu, a ran ngɨzhi fe kyawa ki gbu ran no nji riko wan ritu ya tsu-a. 17 Ka ran hu Sila, nga Bulus, ka ran kpa gro ran ran tre ri,<< Nji wa nyi wa he wa ndu Izhi riwa wa gbresan wan nye, wa la yi nkon riwa ari kpa yi chuwo.>>